|
Xtokavisco
O xtokavisco u štokavisco ye o dialecto principal d'os tres dialectos d'o serbocroata y por estar o suyo dialecto de prestichio ye a base d'os stándards croata, serbio, bosnio y montenegrín. Fa part d'o continuum dialectal eslau meridional. A suya denominación vien d'a forma d'o pronombre interrogativo što en xtokavisco occidental (šta en a variant oriental). Este pronombre interrogativo contrasta con o suyo equivalent en os dialectos kaikavisco y chakavisco (kaj y ča, que tamién significan "que"). O xtokavisco se parla como sola variant d'o serbocroata en Serbia, Montenegro, Bosnia y Herzegovina. En Croacia se parla chunto con os atros dialectos principals d'o serbocroata, a los que ha feito retacular dende fa sieglos. O xtokavisco se charra fuera d'as mugas d'estos países en as suyas respectivas diasporas. As subdivisions primarias d'o xtokavisco se basan en dos principios. O primer principio ye si ye un subdialecto "xtokavisco antigo" u "xtokavisco nuevo". O segundo principio ye a diferent evolución de l'antigo fonema eslavico jat. Os autors modernos reconoixen siet subdialectos xtokaviscos.
|
||||||||||||||||||||||||||||||||||||||||||||||||||||||
Portal di Ensiklopedia Dunia
