- Iste articlo ye sobre una cinta de cine d'intriga policiaca estausunidense de l'anyo 1985; ta atros usos, se veiga Witness.
Witness (títol orichinal en anglés, en aragonés Testigo, enguerada en Aragón con o títol en castellano de Único testigo, en aragonés Unico testigo) ye una cinta de cine estausunidense neo-noir d'intriga policial de l'anyo 1985 dirichida por Peter Weir seguntes un guión orichinal d'Earl W. Wallace y William Kelley basau en una historia de William Kelley, Pamela Wallace y Earl W. Wallace, con una dirección de fotografía de John Seale, una Banda Sonora Orichinal de Maurice Jarre y una producción cinematografica a'l cudiau d'Edward S. Feldman ta la suya productora cinematografica Edward S. Feldman Productions, con un elenco d'actors formau, entre d'atros, por Harrison Ford, Kelly McGillis, Lukas Haas, Jan Rubeš, Danny Glover y Josef Sommer.
Ambientada en l'anyo 1984 en Pennsilvania y Philadelphia, la cinta se rodó en ixa mesma ciudat de Philadelphia y en ixe mesmo estau de Pennsilvania y conta la historia d'un miembro d'a Policía que descubre una trama de corrupción policial en a ciudat pero li cal fuyir con l'unico testigo que puet levar a la garchola a los responsables, un nino que perteneixe a la comunidat amish, fillo d'una choven vidua. Se tracta d'una cinta que ha recibiu cuantos premios y nominacions, destacando-ne 2 Premios Oscar (Guión Orichinal y Millor Montache) y 5 nominacions en a suya 58ena edición; un Premio BAFTA a la Millor Banda Sonora con atras 6 nominacions en a suya 39ena edición; y 6 nominacions a los Premios Globos d'Oro en a suya 44ena edición.
Se veiga tamién
Referencias
Vinclos externos
