Vlaquia la Gran

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
L'Imperio Bizantín (royo) y a Tesalia Vlaca (azul fuerte).

Vlaquia[1] la Gran (Vlahia Mare en rumano, Μεγάλη Βλαχία en griego), tamién conoixita como "Tesalia Vlaca" estió un estato formato por pastors vlacos que existió en os sieglos XII y XIII, y incluiba a zona griega de Tesalia, a zona central d'os Monts Pindo y una part d'a rechión griega de Macedonya.

A princesa bizantina Anna Comnena (1083 – 1153) estió en a Edat Meya qui primero escribió sobre os establimientos arrumans d'os monts de Tesalia. Benchamín de Tudela en o sieglo XII ye o primer autor que parla d'o estato independient de Vlaquia la Gran d'os monts. El escribiba "Dengún no puet puyar-ie pa luitar contra d'ellos y garra rei no puet mandar sobre ellos"

En o "Libro de los fechos et conquistas del principado de la Morea" tamién en parlan:

el queria que micer Jufre con su muller viniessen a la Blaquia & qu'el emperador hy venia otrosi
et vidiendo aquesto, el dispot del Arta ordenó su gent por a yr à recobrar la Blaquia
Et fecho aquesto, Rocafort con los catalanes & con los turquos tomó el camino de la Blaquia'
con la gracia de Dios auremos victoria & recobraremos toda la Blaquia & el realme de Salonich; & yo aure la Blaquia & vos auderes el realme de Salonich

Dimpués d'a Cuatrena Cruzata d'o 1204, Vlaquia la Gran fue adhibita en o Despotau d'Epiro u Despotau de l'Arta, pero recuperó a escape a independencia. En a "Cronica de Morea" dicen:

Et, seyendo a Salonich, combatióle con el marques, &, por celadas que le echó, mató el marques, & con las gentes ensemble del marques que fuya a la ciudat, entró su gent & tomó la ciudat. Et perdió assí Salonich por los Francos, el dispot de la Arta recobró la Blaquia por los Griegos, & el emperador de Burgaria, preso Ssalonich, dexólo a los Griegos de la terra, & ell tornó s'ende en sus partidas de Burgaria

Vlaquia la Gran ye tamién una denominación historica d'a rechión rumana de Muntenia.

Referencias

  1. ↑ Nombre en aragonés seguntes se diz en o Libro de los fechos et conquistas del principado de la Morea de Johan Ferrández d'Heredia.