an Vivel de la Sierra

	Vivel de la Sierra; Viver de la Sierra
	Lugar d'Aragón
Entidat; • País; • Provincia; • Comarca; • Municipio	Lugar; Aragón; Zaragoza; Aranda; Sestrica
Partiu chudicial	L'Almunia de Donya Godina
Población; • Total	; 50 hab.
Altaria; • Meyana	; 904 m.
Distancia; • 6 km; • 96 km	; enta Sestrica; enta Zaragoza
Codigo postal	50248
Parroquial; • Diocesi; • Arcipestrau; • Parroquia	; Tarazona; Baixo Xalón; Sant Miguel Arcánchel
Coordenadas	41°28’29’’N 1°38’22’’U
	Vivel de la Sierra Vivel de la Sierra en Aragón

Este articlo tracta sobre Vivel de la Sierra, lugar de la provincia de Zaragoza. Pa atros usos de la parola vivel vaiga a Vivel (desambigación).

Vivel de la Sierra (en castellano Viver de la Sierra) ye un lugar de lo municipio de Sestrica, en la comarca d'Aranda y en la provincia de Zaragoza. La suya población ye d'un poquet menos de 50 habitants.

Toponimia

Ye un toponimo transparent en aragonés. Vivel ye una variant de Viver, que significa zona d'una estiva u prau, a on que l'augua freatica gosa amaneixer en la superficie y fa de naixedero pa bel rigachuelo. Atros doblez pareixius en aragonés son esparver-esparvel y vercher-verchel. Las mencions en latín u en aragonés medieval gosan estar como Viver de la Sierra. Manimenos dende lo sieglo XVI tamién s'escribe Vivel de la Sierra^[1] en castellano, forma que encara se conserva en l'actual parla castellana local.

Una de las primeras mencions ye en la "Bula de Lucio III" (1182):

...Ecclesiam de Embit cum pertinenciis suis, Ecclesiam de Viver de la Sierra cum pertinenciis suis, Ecclesiam de Turealba cum pertinenciis suis,...

En lo "Libro Chantre" (1382) s'escribe Viver de la Sierra:

Item en la yglesia de Viver de la Sierra ha el Sennyor Vispe todos sus drechos en decimas et otras cosas segunt en Annynon.

En lo "Libro d'el reparo d'el Cheneral d'Aragón (1489-1498)" s'escribe tamién Viver de la Sierra:

Item de Viver de la Sierra por XXXII fuegos, a razón de XIII sueldos por fuego...^[2]

En lo "Itinerario del Reyno de Aragón (1610-1611)" de que João Batista Labanha se nombra como Bibel de la Sierra:

Puroy (estimado) do P. a Sep. 45. gr. 4. L. / Bibel de la Sierra (estimado) do P. a Sep. 33. gr. 5. L.^[3]

Cheografía

Ye situau entre los cerros de la Sierra de la Virchen.

Historia

Perteneixió a la Sexma del río Canyada adintro de la Comunidat de Calatayú. Tenió la categoría d'aldeya dica 1711, prenendo la de lugar por lo menos dende 1785.

Referencias

↑ (es) Ángel San Vivente: Dos registros de tributaciones y fogajes de 1.413 poblaciones de Aragón correspondientes a las Cortes de los años 1542 y 1547. Universidad de Zaragoza, Facultad de Filosofía y Letras, Departamento de Geografía, 1980 p 70, p 153.
↑ (es) María Isabel Falcón Pérez: Libro del reparo del General de Aragón (1489-1498): fogajes de 1489, 1490 y 1491. Anubar, 1987.
↑ (es)(pt) João Baptista Lavanha, Lupercio Leonardo de Argensola, Tomás Fermín de Lezaún y Tornos: Itinerario del reino de Aragón por don Juan Bautista Labaña. Editors: Faustino Sancho y Gil, Establecimiento tipográfico del Hospicio provincial, 1895.

Vinclos externos

Restos d'aragonés en Viver de la Sierra

Lugars de lo municipio de Sestrica
Sestrica \| Vivel de la Sierra

Datos: Q20619714
Multimedia: Viver de la Sierra / Q20619714

[CORTES-1] (es) Ángel San Vivente: Dos registros de tributaciones y fogajes de 1.413 poblaciones de Aragón correspondientes a las Cortes de los años 1542 y 1547. Universidad de Zaragoza, Facultad de Filosofía y Letras, Departamento de Geografía, 1980 p 70, p 153.

[2] (es) María Isabel Falcón Pérez: Libro del reparo del General de Aragón (1489-1498): fogajes de 1489, 1490 y 1491. Anubar, 1987.

[3] (es)(pt) João Baptista Lavanha, Lupercio Leonardo de Argensola, Tomás Fermín de Lezaún y Tornos: Itinerario del reino de Aragón por don Juan Bautista Labaña. Editors: Faustino Sancho y Gil, Establecimiento tipográfico del Hospicio provincial, 1895.

[1]

[2]

[3]