|
Vadorrei
Vadorrei (en castellano Vadorrey) ye un barrio aragonés d'a ciudat de Zaragoza situau en o districto d'o Rabal. Se troba en a marguin ezquierda de l'Ebro amán d'a muga que o río Galligo marca a la ciudat por l'Este. Se tracta d'una zona fuertement ligada a os dos mayors ríos d'a ciudat, estando extremo d'a-saber-los puents (Puent de la Unión, Puent Manuel Giménez Abad, Puente d'o Ferrocarril, o puent y azute sobre a entibadera que regula o cabal d'o río. O vinclo d'iste sector d'a ciudat con os suyos ríos ye tan important, que os suyos vecins devantoron o molimento a l'Ebro, formau por o zaguer barco d'Aragón que presto servicio publico, un remolcador remolachero, que ye en sí mesmo una pieza arqueolochica industrial. A o suyo canto ye construyiu o puerto fluvial de Zaragoza, dito de Vadorrei, dando-le-ne o dreito d'estar nombrau como Barrio Portuario. Ye o puesto a on prencipia a navegación fluvial d'o río en o suyo trampo urbán y de l'azute Manuel Lorenzo Pardo, que regula o cabal d'o río. As riberas d'o barrio en o Galligo facioron parti d'o plan de recuperación fluvial d'a Exposición Internacional Zaragoza 2008.
|
||||||||||||||||||||||
.png)
