|
Thomas Müller
Thomas Müller, naixiu o 13 de setiembre de 1989 de Weilheim in Oberbayern (Bavera, Alemanya Occidental), ye un futbolista alemán que chuga tanto de centrocampista como de debantero centro. Actualment milita en o Bayern Múnich d'a Bundesliga d'Alemanya. Se formó como futbolista profesional en a cantera d'o Bayern de Múnich. Debutó con o primer equipo baixo as órdens d'o tecnico neerlandés Louis van Gaal entre a temporada 2008/09, chugando un total de cinco partius.[3][4] En a temporada 2009/10 s'afianzó como titular en l'equipo, chugando un total de 52 partius, estando o segundo chugador de l'equipo en partius disputaus, con un menos que Philipp Lahm. En ixa temporada o club aconsiguió ganar a Bundesliga y a Copa d'Alemanya, y aconsiguió a final d'a Liga de Campeones d'a UEFA.[5][6][7] A la fin d'a temporada estió convocau para disputar a Copa Mundial de Futbol de 2010 celebrada en Sudáfrica con a selección de futbol d'Alemanya, aconseguindo ista o tercer puesto.[8][9] Estió nombrau millor chugador choven d'o torneo y ganó a Bota d'Oro con cinco gols y tres asistencias.[10] Thomas Müller marcó un hat-trick en o primer partiu d'Alemanya en a Copa Mundial de Futbol 2014 contra Portugal o 16 de chunyo de 2014.[11] O 13 de chulio de 2014 se coronó como que campeón d'o mundo con a selección d'Alemanya, y en o torneo disputó 7 partius, anotó 5 gols y dio 3 asistencias, amás d'aconseguir o Balón de Plata y a Bota de Plata d'a Copa d'o Mundo de 2014. Selección nacional.jpg) Müller ha representau a Alemanya en cuantos livels d'a pedrera, prencipiando con l'equipo sub-16 en 2004.[12] En agosto de 2009, estió clamau a la selección sub-21 por primera vegada, fendo a suya debut en un amistoso que remató 1-3 contra Turquía.[13] Dica agora ha ganau seis partius con l'equipo sub-21, en os cuals ha anotau un gol, o uiteno en un 11–0 que redotó a San Marino.[14][15] En octubre d'o mesmo anyo, os partius de Müller pa o Bayern asombraron a l'entrenador d'o combinau alemán, Joachim Löw, y le consideró publicament como un candidato a la selección nacional, y en o siguient mes, estió convocau con a selección en un amistoso contra Costa de Marfil.[16][17][18] Manimenos, isto coincidió con a muerte d'o portero de l'equipo, Robert Enke, o cual condució a que a trobada contra Chile en a mesma semana estase cancelau.[19] Con menos oportunidat pa prebar a chugadors nuevos, y con a clasificación de l'equipo sub-21 pa o Campeonato Europeu de 2011, Löw y l'entrenador d'a sub-21, Rainer Adrion, sintioron que estase amenestiu en ixe livel, y estió clamau de torno a os sub-21.[20] Müller yera de torno en a selección absoluta para o siguient partiu, una sesión d'entrenamiento en Sindelfingen en chinero de 2010, y estió clamau para chugar contra Argentina en un amistoso, partiu en o cual debutó, estando convocau en l'once titular para ixa trobada en o Allianz Arena.[21][22] Estió substituiu en o menuto 66 por o debutante Toni Kroos, y o partiu remató 0-1.[23] Copa Mundial de 2010 O 6 de mayo, Müller estió nombrau dentro d'a selección d'os 27 chugadors provisionals para a Copa Mundial en Sudáfrica, de conchunta con atros siet chugadors d'o Bayern Múnich.[24] Manimenos sufrir un susto cuan cayió d'a suya bicicleta en o campo d'entrenamiento de l'equipo, en Tirol d'o Sud, solament sufrió lesions superficials, y superó o talle final para o torneo cuan a selección se redució 23 chugadors l'1 de chunyo.[25][26] Le estió asignau o numero 13, normalment usau por o capitán Michael Ballack, y previament usau por Gerd Müller.[27] Ganó o suyo segundo partiu internacional en a zaguera trobada antes d'a Copa d'o Mundo, substituindo a Piotr Trochowski en un partiu que remató 3–1 frent a Bosnia y Herzegovina.[28] Estió titular en o primer partiu d'a Copa Mundial con Alemanya en una victoria de 4–0 sobre Australia y anotó o suyo primer gol internacional, o tercer d'o partiu.[29] Con él ganó o premio a o «gol d'o mes d'Alemanya».[30] Chugó en muitos d'os partius de l'equipo alemán, que se clasificó pa os uitens, marcó dos gols y aduyó en a victoria de 4–1 sobre Inglaterra.[31] Anotó o suyo cuatreno gol d'o torneo en os cuartos de final contra Argentina, ubrindo a puntuación en o tercer menuto, an remató 4–0. Manimenos, obtenió a suya segunda tarcheta amariella d'o torneo en a segunda metat, por ixo no chugó contra Espanya - Müller dició que se sintió muito mas nervioso veyendo o chuego que si estase capaz de chugar.[32] Dimpués tornó a l'equipo pa o partiu contra Uruguay, anotando o primer gol, Alemanya remató 3–2, prenendo a medalla de bronce.[33] Con cinco gols acabó como goliador en a parte superior d'o torneo, y as suyas tres asistencias significoron que ganase a Bota d'Oro.[34] Tamién conquirió o premio a o millor chugador choven, debant d'atros candidatos: André Ayew de Ghana y Giovani Dos Santos de Mexico.[35] En toz dos casos obtenió os premios d'os suyos companyers d'equipo, Miroslav Klose y Lukas Podolski que aconsiguioron os premios respectivos en 2006.[36] En octubre de 2010, estió nombrau en a preselección pa o premio «Ballon D'Or», de conchunta con cuatro alemans.[37] Reflexionando sobre o suyo exito en a Copa Mundial, Müller dició «basicament tenié suerte, truco chusto en o momento correcto». Copa Mundial de 2014 Müller anotó o suyo primer gol para a clasificación d'a Copa Mundial, o 22 de marzo de 2013, marcando o primer y o zaguer en a victoria por 3-0 sobre Cazaquistán.[38] Tamién anotó en as victorias sobre Austria y Islas Feroe o que resultó en cuatro gols en a exitosa campanya d'Alemanya. O 8 de mayo de 2014, Müller estió incluiu en a lista preliminar de 30 chugadors por l'entrenador Joachim Löw con a intención d'a Copa Mundial de Futbol de 2014.[39][40] Estió ratificau entre os 23 chugadors que viachiarán a Brasil o 2 de chunyo.[41][42][43] O 16 de chunyo de 2014, en o primer partiu d'Alemanya en a Copa Mundial de Futbol de 2014, Anotó o primer hat-trick d'o torneo y estió nombrau millor chugador d'o partiu en a victoria por 4-0 debant de Portugal.[44][45] Tamién estió blanco d'o cabezazo de Pepe en o menuto 37, o que dio puesto a la expulsión d'o #esfensa portugués. Negó haber "exacherau" a situación que condució a la tarcheta roya.[46] O 26 de chunyo anotó o solo gol d'o zaguer partiu de fase de grupos contra Estaus Unius, o que aduyó a os alemans a remata como que cabeza d'o grupo G. O 8 de chulio, marcó o primer gol d'Alemanya en a victoria por 7-1 en semifinals contra Brasil.[47] Este estió o gol numero 2000 d'Alemanya. Müller anotó cinco gols en cadaguna d'os suyos dos primeras Copas d'o Mundo, fendo-lo o tercer chugador en aconseguir-lo (dimpués de Teófilo Cubillas y o suyo companyero Miroslav Klose).[48] Con ixe gol, empató a Helmut Rahn con 10 gols en Copas d'o Mundo.Error en a cita: Etiqueta L'11 de chulio, estió seleccionau entre os diez nominados a o Balón d'Oro a o millor chugador d'o torneo.Error en a cita: Etiqueta PalmarésCampeonatos nacionalsCampionatos internacionalsDistincions individuals
Vida privadaMüller naixió en Weilheim, Baviera, y creixió en o lugar cercano de Pähl, o cual fuo o centro de ficacio de meyos de comunicación entre a Copa Mundial.Error en a cita: Etiqueta O suyo signo zodiacal ye Virgo y aconsiguió o grau de bachiller. As suyas aficions son os animals, chugar a o golf y a las cartas.Error en a cita: Etiqueta Se casó con a suya novia Lisa Trede, una modelo alemana, en aviento de 2009, dimpués d'estar comprometiu por dos anyos.Error en a cita: Etiqueta En 2010 tenió un episodio entre una rueda de prensa con o exfutbolista y entrenador archentino Diego Armando Maradona, cuan l'archentino declaró "No ye normal que yo faiga una conferencia de prensa con un chugador a o costau". Maradona desconoixeba quí yera posau a la suya dreita, por o que se devantó y se marchó. Posteriorment tornó y sinyaló: "Pido disculpas. No sabeba que yera un chugador. Pensaba que yera o recogepelotas". Cuatro meses dimpués, o futbolista de 20 anyos deixó d'estar anonimo para Maradona cuan en un partiu d'os cuartos de final d'a Copa Mundial de Futbol de 2010, estió artífice d'a victoria 4:0 d'Alemanya sobre Argentina en anotar un gol a os tres menutos d'o partiu. "Agora Maradona ya sabe quí soi", bromeó Müller dimpués d'a historica victoria.Error en a cita: Etiqueta Referencias
Vinclos externos
|
||||||||||||||||||||||||||||||||||||||||||||||||||||||||||||||||||||
.jpg)
.svg){kind=small}
