- Iste articlo ye sobre una cinta estausunidense de l'anyo 1993, ta atros usos, se veiga The Pelican Brief (desambigación).
The Pelican Brief ye una cinta de cine estausunidense de l'anyo 1993 de drama churidico d'intriga y acción, dirichida por Alan J. Pakula seguntes un guión adaptau por el mesmo de The Pelican Brief, una novela de John Grisham (1992). Con una Banda Sonora Orichinal de James Horner, una dirección de fotografía de Stephen Goldblatt y una producción cinematografica d'Alan J. Pakula, Pieter Jan Brugge y Bryan D. Gilchrist ta la productora cinematografica Warner Bros., en l'elenco d'actors d'a cinta podemos trobar a Julia Roberts, Denzel Washington, Sam Shepard, John Heard, Tony Goldwyn, James B. Sikking, William Atherton, Robert Culp, Stanley Tucci, Hume Cronyn u John Lithgow.
La cinta s'ambienta en a ciudat de Nueva Orleans en l'estau de Loisiana y en Washington, DC en 1992, y se rodó en ixos dos mesmos puestos. The Pelican Brief conta la historia d'una brilant estudiant de Dreito que mantiene una relación con o suyo profesor y bel día li explica a iste la suya teoría sobre los asasinatos de bels miembros d'a Cort Suprema d'os Estaus Unius y cómo ixos asasinatos son consecuencia d'una maniobra ta conformar una mayoría en ixa Cort favorable a los intreses d'un millonario muit amanau a lo President d'os Estaus Unius. Lo suyo profesor li explica ista teoría a un amigo que treballa en o Federal Bureau of Investigation i ixo provoca lo suyo asasinato, lo d'o suyo amigo y la persecución d'a estudiant ta tapar o escandalo.
Se veiga tamién
Referencias
Vinclos externos
