Sant Lorient

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre o santo patrón de Uesca. Ta atros emplegos se veiga Sant Lorient (desambigación).
Sant Lorient

Sant Lorient de Francisco de Zurbarán

Información personal
Nombre Sant Lorient
Apodo: {{{apodo}}}
Naiximiento 225
Uesca (Hispania)
Muerte 10 d'agosto de 258
Roma
Información relichiosa
Festividat 10 d'agosto
Venerau en Tota la cristiandat.
Simbolochía Levando unas esparrillas y vistindo una dalmatica, a vegatas tambien lo representan con a palma d'o martirio y o libro d'os Evanchelios.
Patronache Uesca (capital y provincia) Roma, Canadá, Sri Lanka, comediants, bibliotecarios, estudiants, tanadors, cociners y miners
Centro de pelegrinache Basilica de Sant Lorient Extramuros
Ordens {{{orden}}}
Beatificación {{{beatificación}}}
Canonización {{{canonización}}}
Qüestions {{{qüestions}}}

Sant Lorient (Laurentius en latín) estió un d'os siet diaconos de Roma, ciudat a on que fue martirizato con unas esparrillas en 258. Estió o primer santo hispanorromano naixito d'o territorio que enguán ye Aragón.

Seguntes a tradición yera naixito de Uesca, en a Hispania Tarraconensis. Cuan Sixto fue nombrato Papa en 257, Lorient fue ordenato diacono, y encargato de administrar os biens d'a Ilesia y o cudiato d'os pobres. Por ista faina, ye considerato a sobén un d'os primers archivistas y trasorers d'a Ilesia, y ye o patrón d'os bibliotecarios.

Seguntes a leyenda aragonesa d'o Santo Gredal o papa Sixto II li confió o Santo Gredal cuan as persecucions de Valerián y Sant Lorient se levó o gredal ta Uesca.

Diz a falordia que Lorient fue cremato vivo en una foguera, concretament en una gradiella, amán d'o campo de Verano en Roma. A suya festividat se celebra o 10 d'agosto, día en o cual seguntes a tradición recibió martirio. En a traducción aragonesa d'o "Breviarium ab Urbe condita" mencionan o suyo martirio:

en la qual cosa fue dapna[do] por iusto iudicio de dios car mouiendo ersecucion co(n)tra los xpi(sti)anos entre los otros mato lo benauuyrado (lloren) llorenz martir et leuita.

Ye curioso o pareixito fonetico de "gredal"/"gradal" con "gradiella", feito que podió inspirar a presencia de Sant Lorient en a leyenda aragonesa d'o Santo Gredal, (u si esta leyenda ye posterior, a tradición d'haber muerto en una gradiella).