an Rueil-Malmaison

	Rueil-Malmaison
	Comuna de Francia
	; O castiello de Malmaison
Estau; • Rechión; • Departam.; • Districto; • Cantón	Francia; Isla de Francia; Altos d'o Sena; Nanterre; Rueil-Malmaison (capital)
Superficie	14,54 km²
Población; • Total; • Densidat	; 80 842 hab. (2013); 5.254,47 hab/km²
Altaria; • Maxima; • Minima	; 138 m; 24 m
Alcalde	Patrick Ollier
Codigo postal	92500
Codigo INSEE	92063
Coordenadas	48°52’40’’N 2°11’17’’E
	Rueil-Malmaison Rueil-Malmaison en Francia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rueil-Malmaison (pronunciato /ʀɥœj malmɛzɔ̃/ u /ʀɥɛj malmɛzɔ̃/) y a vegatas dita nomás Rueil ye una comuna francesa, situata en o districto de Nanterre y departamento d'os Altos d'o Sena, aintro d'a rechión d'a Isla de Francia. Fa parte de dos cantóns, o cantón de Rueil-Malmaison y o cantón de Garches. Os suyos habitants son ditos en francés Rueillois u Rueilloises.

A suya población ye de 76.400 habitants (2004) en una superficie de 14,54 km², con una densidat de población de 5.254,47 hab/km².

Cheografía

Rueil-Malmaison ye a comuna mas ampla d'os Altos d'o Sena. A cantos d'o Sena, muga con Nanterre, Suresnes, Saint-Cloud, Garches, Vaucresson, la Celle-Saint-Cloud, Bougival, Croissy-sur-Seine y Chatou.

Tien 520 hectarias d'espacios verdes, o que fa mas d'un tercio d'a suya superficie total que ye de 1.454 hectarias. Ista superficie ye repartita entre a selva de Malmaison (200 ha), a selva de Saint Cucufa (200 ha) y os diferents parques y chardins publicos (120 ha).

Demografía

Datos de población
(Fuent: Cassini^[1] y INSEE^[2])

1793	1800	1806	1821	1831	1836	1841	1846	1851
2 484	2 548	2 624	2 524	3 417	3 333	3 761	4 116	5 253

1856	1861	1866	1872	1876	1881	1886	1891	1896
5 399	6 489	7 092	8 216	8 087	8 208	9 364	9 937	9 680

1901	1906	1911	1921	1926	1931	1936	1946	1954
11 013	12 437	13 203	15 842	20 671	24 924	26 796	27 016	32 212

1962	1968	1975	1982	1990	1999	2006	2007	2011
54 786	60 804	62 727	63 412	66 401	73 469	-	-	-

Ta os censos dende 1962 dica 1999, a población legal corresponde a la población sin duplicidaz seguntes define l'INSEE.

Vicos

A villa ye formata por ueito «villages» u vicos:

Rueil-sur-Seine (4.087 habitants)
Plaine-Gare (9.230 habitants)
Bords-de-Seine (9.122 habitants)
Centre ville (14.634 habitants)
Plateau Mont-Valérien (16.537 habitants)
Jonchère-Malmaison Saint-Cucufa (2.339 habitants)
Mazurières (7.538 habitants)
Buzenval (10.112 habitants).

División administrativa

A villa se divide en dos cantóns :

Cantón Rueil-Nord formato por a zona norte y centro d'a villa. L'actual consellero cheneral ye Jean-Claude Caron.
Cantón de Garches formato por o sud de Rueil-Malmaison. L'actual consellero cheneral ye Jacques Gautier.