|
Punta de Lardana
A punta de Lardana u tuca de Pocez (oficialment Tuca de Posets / Punta de Lardana), ye una tuca aragonesa que, con os suyos 3.375 metros d'altaria, ye o segundo pico mas alto d'os Pireneus, dezaga de l'Aneto. Situata en a parti meya d'a cordelera, en Grist (Vall de Benás, Uesca) ofreixe una anvista que la fa obchectivo deseyable ta muitos alpinistas. En a suya cima bi ha un vértiz cheodesico. ToponimiaPareixe que o nombre de Pocez proviene d'unos pozos (pronunciato /posets/, en benasqués) que bi ha en a suya versant septentrional. En chistabín li dicen "Lardana" y en benasqués igual, pero con a "l-" inicial palatalizata como "Llardana". Primera puyataA primera puyata estió lo 6 d'agosto de 1856, dimpués de l'Aneto. O primer alpinista que plegó a la cima estió lo britanico H. Halkett. Haberban de pasar cuasi vinticinco anyadas ta la primera puyata hibernal, que la facioron Roger de Monts y Célestin Passet. Rota ReyalYe a rota mes conoixita. Dende puent d'Espiantosa (1.505 metros) en a vall de Benás, se puede ir-ie en 1h 45' dica o cubilar Ángel Orús (2095 m). Dende o cubilar s'ha de salir enta o norueste por un camín mui bien sinyalato. En menos d'una hora se trescruza o torrent y s'arriba a una pleta. Un poco mas ent'alto lo camín se bifurca. Agafando lo d'a dreita se dentra a la canal fonda an cuasi tot l'anyo bi ha chelo. Ye convenient levar crampons y piolet. Dimpués de tres horas se ye a los piez d'a Dent de Llardana (a la cual se puede puyar). Continado por a cantaleta primero y por a crencha de bloques fácils dimpués, se plega a la tuca en unas 4 horas (dende o cubilar). A baixada se fa por o mesmo camín en tres horas. Vinclos externos
|
||||||||||||||||||||||||||||||||||||||
.png)
