|
Perico Fernández
Pedro Fernández Castillejos (conoixito esportivament como Perico Fernández), estió un boxiador aragonés naixito de Zaragoza lo 19 d'octubre de 1952 y muerto en Garrapiniellos l'11 de noviembre de 2016.[1]. Estió campión d'Espanya, d'Europa y d'o Mundo de Boxeyo. Perico Fernández creixió en l'orfanato de Zaragoza y de nino vió a Cassius Clay por a televisión, dende ixe momento querió ser boxiador. A suya amostranza d'a vita fue en a leis d'as carreras que reafirmaron a suya condición y convicción ta ser boxiador. A suya carrera esportiva fue meteorica y o suyo gran exito fue o Campionato d'Espanya de Boxeyo d'o peso lichero. Aconsiguió o titol nacional burniando a Cayetano Ojeda Kid Tano o 3 de marzo de 1973. Dimpués aconsiguió lo campionato d'Europa debant de Tony Ortiz, o 26 de chulio de 1974, uns meses dimpués o 21 de setiembre ganó lo titol de peso welter leuchero d'o WBC que yera vacante ganando a Lion Furuyama, titol que perdió o 15 de chulio de 1975 en Bangkok debant de Seansak Muangsurin, dica entonces un descoixito boxiador thailandés con nomás dos combates profesionals, tres anyos dimpués volvió a liutar contra ell ta recuperar o títol pero tampoco podió ganar-lo. Iste combaté principió o declive d'a suya carrera esportiva perdiendo en l'anyo siguient o títol europeo y espanyol, nomás tornó a ganar un títol espanyol pero en o peso welter cinco anyos dimpués por d'os vegatas. Se retiró d'o Boxeyo en l'anyo 1987. Vinclos externos
Referencias
|
|||||||||||||||||||||||||||||||||
