Passenger 57 (títol orichinal en anglés, en aragonés Pasachero 57, enguerada en Aragón con o suyo títol traduciu enta lo castellano como Pasajero 57) ye una cinta de cine d'intriga d'acción de l'anyo 1992 de cine estausunidense dirichida por Kevin Hooks seguntes un guión adaptau por David Loughery y Dan Gordon basau en una historia de Stewart Raffill y Dan Gordon, con una dirección de fotografía de Mark Irwin, una banda sonora orichinal de Stanley Clarke, una producción cinematografica de Dan Paulson, Lee Rich y Dylan Sellers ta la productora cinematografica Warner Bros. y un elenco d'actors composau, en os suyos papels principals por Wesley Snipes, Bruce Payne, Tom Sizemore, Alex Datcher, Bruce Greenwood, Robert Hooks, Elizabeth Hurley, Michael Horse, Marc Macaulay y Ernie Lively.
A cinta conta cómo un perigloso terrorista clamau Charles Rane es capturau por o Federal Bureau of Investigation y lo puyan ta lo suyo treslau en un avión de pasachers, a on tamiém viacha como pasachero numero 57 John Cutter, un experto en antiterrorismo y antigo miembro d'o United States Secret Service, que se veyerá obligau a intervenir cuan o complices d'o terrorista secuestren l'avión. A cinta s'ambienta en a suya epoca actual (1992) en Loisiana y las suyas escenas se filmoron en Orlando, Florida Keys y Sanford, todas tres localidaz situadas en Florida. A cinta recibió criticas mixtas pero estió un exito de taquilla y fació convertir-se a Wesley Snipes en un destacau actor d'o chenero d'o cine d'acción.
Se veiga tamién
Referencias
Vinclos externos
