|
Palacio d'Ursua
O palacio d'Ursua (en basco Urtsua jauregia) ye una casa-torre u casa fortificata situata en o barrio d'Ordoki d'o lugar d'Arizkun, en a localidat de Baztan d'a provincia de Navarra. D'antis mas yera a residencia d'a familia Ursua y ye amanata d'o palacio de Goienetxe y o barrio de Bozate. HistoriaO palacio d'Ursua estió a residencia d'o clan u linache d'os Ursua (a o menos mientres o sieglo XV), estando o suyo miembro mas famoso o conqueridor y militar Pedro de Ursua (1520 u 1526-1561), muerto por orden d'o rebelde onyatiarra Lope de Agirre (1510-1561) en l'Amazonas mientres a Expedicion a o Dorado, d'a que estió chefe en primeras o dito Pedro de Ursua, y mas tardi destituito dimpués una rebelión dirichita por o propio Agirre. EdificioA la suya dreita ye rodiato por una chicota muralla que en a suya puerta de dentrata poseye un arco de meyo punto. A la suya ezquierda, a frontera ye enlucita y poseye una bastida de fusta, iste chicot edificio s'adhibió a o palacio tardanament. A casa-torre ye construita con piedra d'o Baztan (tipo de piedra royenca tipica que se gosa quitar d'a val d'o Baztan y con a que son construitos a-saber-los edificios d'ista val). LeyendaEn a val d'o Baztan bi ha una leyenda sobre o palacio d'Ursua y os suyos habitadors. Seguntes ista leyenda, una polida mesacha d'a casa de Lantain en Iparralde se casó con o hereu d'o Palacio d'Ursua. En a cerimonia de voda, o marito veyió que a suya muller yera embarazata. L'hombre le'n dició a la suya muller que antis de que fuesen a dormir chuntos iban a ir a l'armita d'o palacio. En a portalada d'o palacio l'hombre insulto a la muller, le quito o su vestito de novia y dimpués la estrangulló con un panyuelo de seda. Dimpués o marito asasino prenió o suyo caballo y fuyó enta Francia. Seguntes contan beluns, l'hombre clavó a o suyo caballo as ferraduras d'o reves, ta asinas dificultar que l'encorresen y confundir a os suyos perseguidors.[1] Vinclos externos
Referencias
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
