|
Overijssel
Overijssel (en baixo saxón: Oaveriessel) ye una provincia d'os Países Baixos con capital en Zwolle. Ye situata a l'este d'o país, mugando con Alemanya, y entre Drenthe a o norte y Gelderland a o sud. A l'ueste muga con o IJsselmeer, o río IJssel y a rechión de Veluwe. A provincia tien un terreno arenoso, trescruzato por chicoz ríos, excepto a o nord-ueste, a on que i predominan os pólders. O suyo territorio corresponde alto u baixo con lo de l'antiga Sinyoría d'Overijssel, una d'as Siet Provincias Unitas. A suya superficie ye de 3.421 km², incluyindo-ie un 3% d'augua; a on que viven 1.105.512 habitants (1 de chinero de 2004), con una densidat de población de 323 hab./km², cuasi equivalent a la meyana estatal. Enschede ye a prencipal ciudat d'a provincia, mas gran que Zwolle, a capital. Atras ciudaz importants son Deventer, Almelo y Hengelo. Vinclos externos
|
|||||||||||||||||||||||||||||||||||||
Portal di Ensiklopedia Dunia
