Marcia Garbey, naixida de Santiago de Cuba (Santiago de Cuba, Cuba) lo 9 de febrero de 1949 y muerta en ixa mesma ciudat l'1 de chinero de 2024,[1] estió una atleta cubana, activa en o mundo de l'atletismo mientres os anyos 1960 y 1970, especializada en cursas de velocidat y brinco de largaria. Perteneixeba a una familia d'esportistas cubanos, entre los cuals destaca su chirmano Rolando Garbey, boxeyador.
Carrera esportiva
Chuegos Olimpicos
Participó en dos edicions d'os Chuegos Olimpicos: en Mexico 1968 participó en brinco de largaria, no podendo-se clasificar la la final, quedando en 17ena posición de 27 participants, y en Múnich 1972 tornó a participar en brinco de largaria, plegando ista vegada en a final y rematando en 11ena posición de 34 participants.
Chuegos Panamericanos
En os Chuegos Panamericanos representó a lo suyo país tres vegadas: en Winnipeg 1967 (a on consiguió la medalla d'oro en releus 4 x 100 m con Violetta Quesada, Cristina Echeverría y Miguelina Cobián), en Cali 1971 y en Mexico 1975.
Chuegos Centroamericanos y d'o Caribe
En os Chuegos Centroamericanos y d'o Caribe participó en Panamá 1970 y Santo Domingo 1974, obtenendo todas dos vegadas la medalla d'oro en brinco de largaria.
Referencias
