|
Macedonya (provincia romana)
Macedonya estió una provincia romana situata en territorios d'as actuals Albania, Republica de Macedonya, Bulgaria y Grecia y creyata con os territorios de l'antigo Reino de Macedonya, Epiro y Tesalia y parz d'Iliria, Paeonia y Tracia. A suya capital yera Tesalonica. Os romanos creyoron esta provincia ya en tiempos d'a Republica Romana dimpués d'a sublevación d'a población autoctona de l'anyo 148. En tiempos d'Augusto yera una provincia d'administración senatorial. Cuan l'imperio se dividió en dos partitas Macedonya quedó en l'Imperio Romano d'Orient. As ciudaz yeran de población autoctona u colonias romanas como Filipos. A Vía Egnatia permitiba a comunicación con Roma y Asia, (dende Dyrrachion ta Hebros y dimpués Bizancio. En o sieglo IV fue devastata por os godos. As invasions barbaras producioron despoblacions. En o periodo bizantín primerenco se producioron incursions eslavas y en una d'ellas os griegos bizantins perdioron o control de Macedonya. Se produció una intensa inmigración d'eslaus, que ocupaban un bueito poblacional y rematoron por predominar en esta rechión que l'Imperio Bizantín remató recuperando sieglos dimpués.
|
||||||||||||||||||||||||
.svg)
