|
Mеtrо (cinta de 2013)
Mеtrо (transliteración d'o títol orichinal en ruso, Метро, en aragonés Metro) ya una cinta de cine de desastres de cine belico de l'anyo 2013 dirichida por Anton Megerdichev, con una banda sonora orichinal de Yuri Poteyenko y Alex HarDrum, una dirección de fotografía de Sergey Astakhov y Sergey Shultz, una producción cinematografica d'Igor Tolstunov, Sergey Kozlov y Anna Kagarlitskaya ta la productora cinematografica Profit y un elenco formau por, entre d'atros actors, Sergei Puskepalis, Anatoly Bely, Svetlana Khodchenkova, Anfisa Vistingauzen, Aleksey Bardukov, Katerina Shpitsa, Yelena Panova y Sergey Sosnovsky. En un trampo d'o metro de Moscú construyiu en 1935 prencipia a haber-ie infiltracions d'augua procedent d'un naixedero subterranio. Un supervisor advierte d'os feitos pero no li paran cuenta en no haber-ie garra atra indicio que la suya palabra y estar un notorio alcolico. D'atra man, un medico d'un hespital d'a ciudat se troba con que su muller l'enganya con atro y se troba solo con a suya filla. Casualment, mariu y amant d'a muller coinciden en o mesmo metro cuan se produz un desastre por inundación por augua y bardo, quedando lo metro aturau y tot albardau. Cuan preban de marchar d'o convoy d'o metro en caminando sobre lo bardo, muitos mueren electrocutaus. Mariu y amant se troban compartindo brega ta salvar a vida, encara que lo mariu amás ha d'estar a'l cudiau d'a suya filla. Un minusclo grupo de pasachers comparte l'aventura, en destacando dos chóvens que acaban de conoixer-se cinco minutos antis de l'accident. A cinta s'ambienta en a suya epoca actual (2013) en Moscú y las suyas escenas se filmoron en ixa mesma ciudat y en Samara.[2] Se tracta d'una cinta que ha recibiu cuantos premios y nominacions d'o cine ruso. Elenco[3]
Se veiga tamiénReferencias
|
||||||||||||||||||||||||||||||||||||||||||||||||||||||||
Portal di Ensiklopedia Dunia
