Losa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Un lenau de losas u lenastra.

Una losa (de l'occitano <lausa[1]) ye una piedra plana y gran que se mete en alto d'una atra estructura, pa cubillar-la[2] u pa fer de tapa. En aragonés ribagorzano ye llosa.[3][4]

En os lugars de Sobrarbe as casas se cubillaban con losas.[2]

En aragonés, a losa ye la mai d'aon dimana un grupo de parolas relacionadas: «loser»[5] u «losero» ye o cantero que pica las piedras que s'ha de fer servir pa cubillar as casas, una «losera»[5] ye un puesto d'o mont d'aon se'n quita losas pa la construcción, etc. A loseta ye la losa mas fina y menuda[6] con a cual se cubilla bels lenaus. Una «losaza» u «losanca» ye una losa graniza.[1][5]

Expresions

  • Llevar una losa: Cargar un peso muerto; p. ex. Buena losa lleva con ixe mariu.
  • Cayer una losa: Haber d'afrontar un treballo pesau u situación penible; p. ex. A losa que les ha caito con ixe herencio no la saben ellos.
  • Meter a losa: Enterrar un muerto, en referencia a la losa de muertos. Ye una miqueta despectivo. p. ex. A ixe ya le metión a losa l'anyo pasau u a l'atro.

Referencias

  1. ↑ 1,0 1,1 MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000. ISBN 84-7820-553-5
  2. ↑ 2,0 2,1 CORONAS CABRERO, Mariano, Vocabulario aragonés de Labuerda-A Buerda (Sobrarbe); Prensas Universitarias de Zaragoza + Xordica Editorial. Zaragoza, 2007. ISBN 978-84-96457-23-2
  3. ↑ MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial. Zaragoza, 2013. ISBN 978-84-96457-87-4
  4. ↑ FERRAZ CASTÁN, Vicente, Vocabulario del dialecto que se habla en la Alta Ribagorza (1934) (Facsímil). Aladrada ediciones. Zaragoza, 2013. ISBN 978-84-940886-6-7
  5. ↑ 5,0 5,1 5,2 BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. ISBN 978-84-8094-061-0
  6. ↑ BARCOS, Miguel Ánchel, El Aragonés Ansotano: estudio lingüístico de Ansó y Fago; Institución «Fernando el Católico» + Gara d'Edizions. Zaragoza, 2007. ISBN 978-84-8094-058-0

Se veiga tamién