Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Lena Meyer-Landrut naixió de Hannover, Alemanya. Actualment vive en Colonia.[1] Ye nieta d'Andreas Meyer-Landrut, embaixador d'Alemanya en a Unión Sovietica (en Moscou) entre 1980 y 1983, y entre 1987 y 1989.[2][3] Prencipió con clases de danza cuan teneba 5 anys, en primerías ballet y mas tardi d'atros estils, entre éls hip-hop y jazz.[4] Tamién fació parti como actriz extra en diversas series d'a televisión alemana,[1] encara que nunca no ha tenito formación en interpretación u canto.[5]
Lena estió a ganadora d'o concurso de talentos Unser Star für Oslo ("A nuestra estrela ta Oslo"), a final d'o cual se fació o 12 de marzo de 2010. A victoria le dió dreito a representar a Alemanya en o Festival d'Eurovisión con a canción "Satellite", escrita por os compositors Julie Frost y John Gordon. Ista canción, chunto con os temas "Bee" y "Love me" (ista zaguera escrita per ella mesma con Stefan Raab) ocuporon as tres primeras posicions en o iTunes Store alemán o día dimpués d'a final nacional. O día 29 de mayo de 2010 se proclamó ganadora d'o Festival d'a Canción d'Eurovisión, celebrato en Oslo, con 246 puntos.
Tamién representó a Alemanya en o Festival d'Eurovisión 2011 en Düsseldorf con a canción Taken by a Stranger.
.svg)
