|
Laguna de Bezas
La laguna de Bezas ye la laguna mes gran de la Sierra d'Albarracín[1] y se troba en lo rodeno d'esta sierra, en los termins municipals de Bezas y d'Albarracín, adintro de lo Paisache Protechiu de los Pinars de Rodeno. Presenta una vechetación lacustre condicionada por las importants fluctuacions de lo livel de l'augua. ToponimiaLo rei Chaime II d'Aragón fació una mollonación entre Albarracín y Teruel lo 13 d'octubre de 1308. En lo texto se menciona una laguna negra y la califican de balsiella[2]: ...de poca cantidat de tierra e de agua replegadiza que en tiempo sereno puede durar poco más de seis u ocho días, antes vulgarment se dize que la dita balsiella es rebolcadero de cieruos e souadero de puercos monteses.
En 1481 un texto parla de las cabanyeras que trescurzaban amán de la laguna, y li diciban Laguna el Infante: en canto de passo que entra de la Laguna el Infante lieco fata lo lieco de cabeça Daroca es de ançho el dito paso desde el susodicho mojón de ensomo de ditto varranco de donia Justa fasta el carril que viene de la laguna e traviesa la hombría abaxo fasta la senda de Villel, e ay de ancho dozienttas sesenta pasadas…
Flora y vechetaciónAdintro en lo fondón creixen extensions de Potamogeton sp (que li da una coloración especial), amés d'atras especies tipicas d'humidals como Myriophyllum spicatum, Nitella sicatum y Chara sp. Repitiando las marguins creixe una banda de chuncars mediterranios. FaunaI fa lo niedo Fulica atra, i son presents Tachybaptus ruficollis, Anas platyrhynchos y bel ardeido. Ocasionalment i ye present Fulica cristata y Ciconia nigra. Referencias
Bibliografía
|
||||||||||||||||||||||||||||||||||||||||||||||||||
