an La vuelta de El Coyote

La vuelta de El Coyote
Títol	La vuelta de El Coyote

Ficha tecnica
Dirección	Mario Camus
Dirección artistica	Gil Parrondo
Producción	Enrique Cerezo Juan Gona
Disenyo de producción	Emilio Ardura Gil Parrondo
Guión orichinal	Mario Camus César Mallorquí
Basau en	El Coyote, personache creyau por José Mallorquí
Musica	Sebastián Mariné
Fotografía	Jaume Peracaula
Montache	José María Biurrun
Escenografía	Raul Paton
Vestuario	Javier Artiñano Delfín Prieto
Maquillache	Pedro Camacho Ángel Luis De Diego Mar Paradela
Peluquería	Esther Martín
Casting	Julio Gavilanes
Actors	José Coronado Mar Flores Nigel Davenport Chiara Caselli Ana Duato Neil Boorman Raymond Lovelock Manuel Alexandre Simón Andreu Ramón Langa Antonio Valero Isabel Serrano
Color	Eastmancolor Panavision
Datos y cifras
País(es)	Espanya
Anyo	1998
Debantadera	31 de chulio de 1998 Espanya^[1]
Chenero(s)	Cine d'aventuras Cine de western
Durada	100 min.
Idioma(s)	Castellano
Companyías
Productora(s)	Antena 3 Televisión Enrique Cerezo Producciones Cinematográficas S.A. Gonafilm Vía Digital
Distribución	Vídeo Mercury Films
Estudio(s)	Fort Bravo Cinema Studios
Informacions en bases de datos especializadas:

La vuelta de El Coyote (títol orichinal en castellano, en aragonés La tornada d'El Coyote) ye una cinta de cine espanyol de cine d'aventuras de western enguerada l'anyo 1998 dirichida por Mario Camus seguntes un guión orichinal d'él mesmo y de César Mallorquí (encara que basau en El Coyote, un personache de novela creyau por José Mallorquí), con una banda sonora orichinal de Sebastián Mariné, una dirección de fotografía de Jaume Peracaula y una producción cinematografica d'Enrique Cerezo y Juan Gona ta las productoras Antena 3 Televisión, Enrique Cerezo Producciones Cinematográficas S.A., Gonafilm y Vía Digital. De l'elenco d'actors d'a cinta en fan parte, entre d'atros, José Coronado, Mar Flores, Nigel Davenport, Chiara Caselli, Ana Duato, Neil Boorman, Raymond Lovelock, Manuel Alexandre, Simón Andreu, Ramón Langa, Antonio Valero y Isabel Serrano.

A cinta s'ambienta en 1852 en Los Angeles en California, y las suyas escenas se filmoron en Orbaneja del Castillo, Pesquera de Ebro y Santa Gadea en a provincia de Burgos en Castiella y Leyón y en os Fort Bravo Cinema Studios en Tabernas en a provincia d'Almería en Andalucía.^[2]

Ye una cinta que no tenió masiada aceptación y tampoco no obtenió garra premio cinematografico, de no estar bels premios a lo peyor actor.

Argumento

Cuan en 1852 California pasa a mans d'os Estaus Unius dimpués d'a suya cesión en o tractau de Guadalupe Hidalgo por Mexico, Félix de Echagüe, un cabalero propietario espanyol que i vive, veye que torna su fillo César, que dica l'inte yera estudiando en Cuba. En a California d'ixas envueltas proliferan os estausunidenses que buscan apropiar-se d'as tierras d'os mexicanos y istos nomás fan que pensar que tornará El Coyote ta defender-los. Félix piensa que su fillo cuan plegue l'aduyará a evitar que li roben as suyas propiedaz pero cuan iste torna troba que ye masiau blando y diz que cal contemporizar con os estausunidenses; amás critica a El Coyote y su pai s'encena. Lo que no sabe, ni tampoco la promesa de César, ye que iste ye El Coyote.