Katharine Hepburn (nombre artistico de Katharine Houghton Hepburn), naixida de Hartford (Connecticut) o 12 de mayo de 1907 y muerta en Fenwick (Connecticut) o 29 de chunio de 2003, estió una actriz estausunidense, activa en o cine estausunidense dende zaguerías d'os anyos 1920 dica meyaus d'os anyos 1990, con cuantos premios recibius mientres a suya carrera cinematografica.
D'entre a suya muit ampla filmografía, se pueden destacar as suyas suyas interpretacions en bellas cintas, como Little Women (1933, George Cukor), The Philadelphia Story (1940, George Cukor), State of the Union (1948, Frank Capra), The African Queen (1951, John Huston), Guess Who's Coming to Dinner (1967, Stanley Kramer), u On Golden Pond (1981, Mark Rydell).
Premios
L'actriz Katharine Hepburn recibió un premio Oscar a la Millor Actriz en 1932-1933 por a suya interpretación en a cinta Morning Glory, dirichida por Lowell Sherman. Recibió o suyo segundo Oscar a la Millor Actriz en 1967 por o suyo papel de Christina Drayton en Guess Who's Coming to Dinner, una cinta dirichida por Stanley Kramer; y un tercer Oscar a la Millor Actriz en 1968 por a suya interpretación d'Alionor d'Aquitania en a cinta The Lion in Winter, dirichida por Anthony Harvey. Encara recibió un cuatreno Oscar a la Millor Actriz en 1981 por o suyo papel d'Ethel Thayer en On Golden Pond, una cinta dirichida por Mark Rydell.
Se veiga tamién
Vinclos externos
