|
José María Peña San Martín
José María Peña San Martín, naixiu de La Nuez de Abajo (Valle de Santibáñez, Burgos, Castiella y Leyón, Espanya) en 1937 y muerto en Burgos (Burgos, Castiella y Leyón, Espanya) lo 23 de chulio de 2024,[1] estió un politico castellanoleyonés, alcalde de Burgos dende 1979 dica 1992. Estió esleyiu alcalde por primera vegada en as primeras eleccions municipals d'a democracia en 1979 en as listas d'a Unión de Centro Democrático y cuan se produció l'esboldregamiento d'ixe partiu dentró en Alianza Popular, partiu con o cual obtenió por segunda vegada l'alcaldía de Burgos en as eleccions municipals de 1983. Tanimientres, en as eleccions municipals de 1987 se presentó como candidato por Solución Independiente, tornando a obtener l'alcaldía, que revalidó en as eleccions municipals de 1991, ista vegada cen as listas d'o Partido Popular de Castilla y León. Dimitó como alcalde en 1992 en estar implicau en un caso de corrupción urbanistica, y tornó a estar candidato a l'alcaldía de Burgos nuevament por Solución Independiente, en as eleccions municipals de 2007, encara que en iste caso la suya candidatura no obtenió so que dos rechidors. Finalment, en 2011 albandonó la vida politica activa. Ye lo pai d'Ignacio Peña Robledo, esleyiu rechidor en o Concello de Burgos en as listas de Vox en as eleccions municipals de 2023. Referencias
|
|||||||||||||||||||||||||||
Portal di Ensiklopedia Dunia
