|
Ilesia de Sant Andreu d'Abai
A ilesia de Sant Andreu d'Abai ye una ilesia aragonesa que se troba situata en o lugar d'Abai, que fa parte d'o termin municipal de Chaca, en a comarca d'a Chacetania y provincia de Uesca. Adedicata a sant Andreu apóstol, o santo patrón d'o lugar, a ilesia se devantó orichinalment en os sieglos XI-XII en estilo romanico, y no teneba so que una sola nau, encara que fue prou enamplata mientres o sieglo XVI, cuan se li adhibioron dos naus mas, plegando dica as tres que actualment en tien. A suya torre mugant tien tres cuepos, estando-ne o zaguer tamién una construcción d'o sieglo XVI, mesmo que o suyo acceso principal actual, con claras influencias renaixentistas. Bi ha una cruz d'estilo renaixentista.[1] O crismón d'a primitiva ilesia romanica de Sant Andreu, trobato en o suelo d'o lugar, hue s'expone en l'interior d'o templo.[2] A ilesia de Sant Andreu d'Abai ye protechita legalment con a suya declaración como Bien d'Intrés Cultural dende l'anyo 2002.[3] Vinclos externosReferencias
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
