Guam (en anglés Territory of Guam, en chamorro Guåhån) ye una isla situada en o Pacifico occidental que fa parti de l'archipielago d'as Marianas. Oficialment ye un territorio no incorporau d'os Estaus Unius. Tien una superficie de 541 km² y una población de 162.742 habitants (2016). Se troba a meyo camín entre Hawaii y las Filipinas, en a Micronesia. Ye a isla mas meridional, mas gran y mas poblada d'as Marianas.
I predominan os pueyos y en a parti norte bi ha penyas, con muitas espelungas, que se debantan 150 metros sobre o livel d'a mar. A isla ye estreita en o centro y s'enampla enta lo sud, a on bi ha montanyas y vals travesaus por barrancos y saltos d'augua. As plachas mas protechidas son as de l'ueste.
A economía de Guam se basa en a presencia d'a base naval, as plantacions de cocoters, a pesca y o turismo. Se parlan os idiomas anglés, chamorro y chaponés, iste zaguero nomás entre a chent mas gran.
Vinclos esternos
Se veiga tamién
