|
Ferrando II de Ribagorza
Ferrando II de Ribagorza u Ferrando de Gurreya y Aragón, naixito de Pedrola (Reino d'Aragón) o 20 d'abril de 1546 y muerto en o castiello de Miranda d'Ebro (Miranda d'Ebro, Reino de Castiella) o 6 de noviembre de 1592, estió un noble aragonés, conte de Ribagorza y duque de Villafermosa dende 1581, cuan succedió a su pai Martín I de Ribagorza, dica a suya propia muerte. Continó con a luita con os suyos vasallos sublevatos, que teneban o refirme d'a Corona, en un proceso que ya s'heba iniciato con o suyo pai. En no estar capable de rematar con a revuelta, en zaguerías plegó en un alcuerdo con o monarca, a qui cedió o condau de Ribagorza recibindo comandas en o reino de Valencia. Sindembargo, en 1591 se trobaba en a ciudat de Zaragoza y prenió parte en as alteracions de 1591 (fácil que dende o suyo punto d'anvista fuesen a continación d'as suyas luitas con a Corona), estando engarcholato. Morió en a garchola en o castiello de Miranda d'Ebro, sospeitando-se que a suya muerte no estió una muerte natural. O títol pasó alavez a mans de su chermano Francisco I de Ribagorza. Vinclos externos
|
||||||||||||||||||||||||||||||||||||||||||||
