- Iste articlo ye sobre una cinta estausunidense de 1966; ta atros usos, se veiga El Dorado (desambigación).
El Dorado (títol orichinal en anglés, no traducible en tractar-se d'un toponimo, enguerada en Aragón con ixe mesmo títol) ye una cinta de western estausunidense de l'anyo 1966 dirichida por Howard Hawks seguntes un guión adaptau por Leigh Brackett basau en The Stars in Their Courses, una novela de Harry Brown publicada en 1960, con una Banda Sonora Orichinal de Nelson Riddle y una dirección de fotografía de Harold Rosson. Producida por Howard Hawks ta la productora cinematografica Laurel Productions, en l'elenco d'actors d'a cinta destacan John Wayne, Robert Mitchum, James Caan, Charlene Holt, Paul Fix, Arthur Hunnicutt, Michele Carey y Ed Asner. Ye un remake de Rio Bravo, dirichida en 1959 por o mesmo director, encara que con modificacions bien fundas en os suyos personaches. Fa parte d'una trilochía sobre sheriffs con problemas, chunto con Rio Bravo y Rio Lobo (1970), estando todas istas cintas protagonizadas por John Wayne.
Filmada en Tucson y atros puestos d'Arizona, en Utah y en os estudios d'a Paramount, en os mesmos escenarios que la cinta Rio Bravo, la cinta s'ambienta en un puesto y momento no determinaus d'a segunda metat d'o sieglo XIX en o Far West.
Se veiga tamién
Referencias
Vinclos externos
.jpg)
