- Iste articlo ye sobre un western estausunidense de l'anyo 1959; ta atros usos, se veiga Rio Bravo.
Rio Bravo (títol orichinal en anglés, enguerada en Aragón con ixe mesmo títol) ye una cinta de cine estausunidense de l'anyo 1959 de chenero de cine de western dirichida por Howard Hawks seguntes un guión adaptau por Jules Furthman y Leigh Brackett basau en Rio Bravo, una historia curta de B. H. McCampbell (qui yera en realidat Barbara Hawks McCampbell, filla de Howard Hawks que li ampraba lo suyo nombre ta las suyas obras). Con una Banda Sonora Orichinal de Dimitri Tiomkin, una dirección de fotografía de Russell Harlan y una producción cinematografica de Howard Hawks ta la productora cinematografica Armada Productions, en l'elenco d'a cinta podemos trobar en os suyos papels principals a actors como John Wayne, Dean Martin, Ricky Nelson, Angie Dickinson, Walter Brennan, Ward Bond, John Russell, Pedro Gonzalez Gonzalez y Estelita Rodriguez.
Rio Bravo conta la historia d'un sheriff que ha arrestau a lo chirmano de l'hombre mas cabalenco y poderoso d'a redolada y se troba con que nomás tiene ta que l'aduyen a un aduyant permenent bufau y a un viello chancadet, y con éls cal que se concare con o chirmano de l'arrestau. Rodada en os estudios d'Old Tucson en Tucson (Arizona) y en California, s'ambienta en l'estau de Texas en os anyos 1870 y recibió bellos premios y nominacions, en destacando un premio Globo d'Oro en a suya 17ena edición a la Millor Estrela Emerchent como Actriz ta Angie Dickinson.
Se veiga tamién
Referencias
Vinclos externos
.jpg)
