Conquiesta normanda d'Anglaterra

Un u más biquipedistas son treballando actualment enamplando iste articlo. Puede estar que, por ixo, bi haiga lagunas de conteniu u deficiencias de formato. Por favor, antis de realizar correccions mayors u reescrituras, contacte con éls en a suya pachina d'usuario u a pachina de discusión de l'articlo ta poder coordinar-ne la redacción.

Conquiesta normanda d'Anglaterra
[[]]
Localización en o reino d'Anglaterra d'os prencipals escaicimientos d'a conquiesta normanda.
Información cheneral
Calendata: Sieglo XI
Puesto: Anglaterra
Resultau: Consolidación d'a Casa de Normandía en a cadiera reyal d'o Reino d'Anglaterra
En conflicto
Guillén de Normandía	Harold
Conquiesta normanda d'Anglaterra
Fulford • Stamford Bridge • Hastings • Southwark • Exeter • Masacre d'o Norte • Ataques daneses • Rebelión d'os Contes

Se conoix con o nombre de conquiesta normanda d'Anglaterra a un significativo episodio d'a Historia d'Anglaterra mientres o sieglo XI consistent en a conquiesta y ocupación d'Anglaterra (u d'o reino d'Anglaterra) por un exercito formau por normandos, franceses, flamencos, bretons y atros grupos minoritarios baixo lo mando de Guillén, duque de Normandía, a qui dende alavez se clama Guillén o Conqueridor. Con a conquiesta ocupó la cadiera reyal a Casa de Normandía prencipiando o periodo clamau por a historiografía "Anglaterra normanda".

O dreito de Guillén a la cadiera reyal d'o reino d'Anglaterra derivaba d'a suya relación familiar con o rei anglosaxón Eduardo lo Confesor, qui no teneba fillos y que parixe heba encorachau as asperanzas de Guiilén de conseguir a cadiera reyal. Eduardo morió en chinero de 1066 y fue succediu por o suyo cunyau Harold Godwinson. O rei Harald de Noruega invadió lo norte d'Anglaterra en setiembre de 1066 y estió vencedor en a batalla de Fulford o 20 de setiembre pero fue redotau y morió en a batalla de Stamford Bridge o 25 de setiembre a mans d'as tropas de Harold Godwinson. Tanimientres, nomás que 3 días dimpués, o 28 de setiembre, una fuerza d'invasión composada por mils de soldaus y centenars de barcos baixo lo mando de Guillén, duque de Normandía, desmebarcço en Pevensey (Sussex), en o sud d'o reino d'Anglaterra. Harold marchó con o suyo exercito enta lo sud a escape, encara que dixando en o norte d'o reino a una part important d'o suyo exercito. Lo 14 d'octubre as fatigadas tropas de Harold, encara no recuperadas d'a marcha enta lo norte, la batalla y la marcha enta lo sud, s'enfrontinoron con as tropas invasoras de Guillén en a batalla de Hastings, estando redotadas as tropas de Harold, qui amás morió en a batalla, con a cual cosa Guillén se proclamó rei d'Anglaterra.