|
Concilio de Gostanza
O concilio de Gostanza estió o seceno concilio ecumenico d'a Ilesia Catolica. Fue convocato o 30 d'octubre de 1413 por l'antipapa Chuan XXIII de Pisa y l'aprobación de Sechismundo, o emperador d'o Sacro Imperio Romano Chermanico con a intención de rematar con o Gran Escisma d'Occident y estudiar a reforma d'a ilesia. O concilio estió reunito dende l'anyo 1414 dica l'anyo 1418 en a ciudat de Gostanza (Sacro Imperio Romano Chermanico), en l'actual Alemanya). O reformador checo Jan Hus fue convocato pero cuan arribó fue cremato vivo en a foguera o 6 de chuliol de 1415. Como embaixador d'o rei Alifonso V d'Aragón bi estió present Chuan Ferrández d'Íxar y Centelles. O concilio de Gostanza ye mencionato en as Cronicas d'os Chudeces de Teruel, en diferents versions: anno M° cccc xvij Don Domjngo Lázaro; en la ciudat de Gostanza fué
creado papa por todo christia/njsmo dicitur Martinus qujnto.[1]
1417. Don Juan Dominguez del Mesado. En esti año vino el emperador de Alemania a Perpiñian por poner la iglesia en concordia et con el papa Benedito et en aquesti año le tiró la obediencia el rey. En aquesti año murió el señor rey Don Fernando en el mes de abril et la semana santa se fizieron las exequias.[2]
1418. Don Francisco Dominguez del Mesado. En esti año se secaron las viñias. Et tuvieron concilio en Costança todos los reyes de cristianos.[2]
Referencias
|
