|
Chuan II Comneno
Chuan II Comneno estió emperador de l'Imperio Bizantín dende 1118 dica 1143. Ye naixiu o 13 de setiembre de 1087 de Costantinoble y morió o 8 d'abril de 1143 en Cilicia. Con Chuan II (1118-1143) continó a restauración d'o poder bizantín, con mayor atención a los afers d'os Balcans. Os latinos iban ocupando as rutas y mercaus d'a Mediterrania oriental, y os turcos continaban como un periglo latent en as mugas asiaticas. En 1122 fracasó a zaguera incursión d'os pacinacos en os Balcans (batalla de Berrhoia),[1] y Chuan II podió sozmeter bien a los serbios y encarar-se con os hongaros en Croacia y Dalmacia, a lo tiempo que ixamplaba os privilechios concedius a la Republica de Venecia en 1126 y os que a Republica de Pisa teneba en Costantinoble en 1111. A lo mesmo tiempo miraba de fer liga con o Sacro Imperio Romano Chermanico pa contrarrestar a influencia normanda en o sud d'Italia, a on Rocher II de Sicilia prenió o títol de rei en 1130. En l'ambito oriental se consiguió recuperar o vasallache d'Antioquía entre 1137 y 1142, y a recuperación d'a costa d'a Mar Negra en la comarca de Trapisonda. Referencias
Bibliografía
|
|||||||||||||||||||||||||||||||||||||
