|
Castiello de Paracuellos de Xiloca
Lo castiello de Paracuellos de Xiloca ye un castiello construito en lo periodo Andalusí que se troba en Paracuellos de Xiloca (Comunidat de Calatayú, Aragón). HistoriaLo castiello de Paracuellos de Xiloca ha estau identificau con un "castiello de Xiloca" andalusí, que yera una defensa de Qalat Ayyub por aturar los posibles abances dende la ribera de Xiloca, ya que trancaba la suya val. Se fa mención d'este castiello en lo "Cantar de mio Cid": Mio Çid con esta ganançia en Alcoçer esta; / fizo enbiar por la tienda que dexara alla. / Mucho pesa a los de Teca e a los de Ter(rer) non plaze, /e a los de Calatayuth [sabet, pesando va]. /Al rey de Valençia enbiaron con mensaje: /que a uno que dizien mio Çid Ruy Diaz de Bivar /airolo el rey Alfonsso, de tierra echado lo ha,/ vino posar sobre Alcoçer en un tan fuerte logar, /sacolos a çelada, el castiello ganado a. /«Si non das consejo a Teca e a Ter(rer) perderas, /perderas Calatayuth que non puede escapar,/ribera de Salon todo ira a mal,/assi ffera lo de Siloca que es del otra part.»
Lo rei Alifonso lo Batallero conquirió lo castiello pa cutio dimpués de la batalla de Cutanda (1120), en un lugar de cuenca hidrografica de Xiloca muit a lo sud. En 1362 fue ocupau por Castiella en lo contexto de la Guerra de los Dos Peros. Los aragoneses lo recuperoron en 1366. ToponimiaLo nombre Xiloca d'este castiello puede fer referencia a la orientación enta lo sud-este d'este castiello respecto a lo sistema defensivo de Calatayú. Xaloc, exaloc u saloc ye un arabismo que permaneixió en aragonés medieval pa nombrar lo viento de lo sud-este, encara que la forma arabe orichinal no ye clara. Seguntes esta hipotesi lo río Xiloca habría preso nombre d'este castiello. Referencias
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
