A consonant aproximant bilabial sonora ye un tipo de soniu consonantico emplegau en bellas luengas parladas. O simbolo que la representa en l'Alfabeto Fonetico Internacional ye «β̞». Iste simbolo ye a letra griega beta con una tau debaixo como diacritico.
Caracteristicas
- A suya forma d'articulación ye aproximant, lo que significa que se produce con un articulador amán d'atro, pero sin que se reduzca a ubertura dica o punto en que se produzca una turbulencia d'aire audible, como en as fricativas.
- O suyo punto d'articulación ye bilabial, lo que significa que s'articula usando a la vegada os dos labios.
- O suyo tipo de fonación ye sonora, lo que significa que as cuerdas vocals son vibrando mientres l'articulación.
- Ye una consonant oral, lo que significa que se permite que l'aire eslampe a traviés d'a boca y no a traviés d'o naso.
- Ye una consonant central, lo que significa que se produce deixando pasar l'aire por dencima d'a luenga, más que por os cantos.
Presencia
En aragonés
En l'aragonés a consonant bilabial aproximant sonora ye un d'os alofonos d'o fonema /b/, correspondient a la pronunciación habitual d'as letras b y v en posición meya como por eixemplo en vivo [biβ̞o].[1].
Eixemplos en diferents luengas
Se veiga también
Referencias
