|
Antonio Aramburo
Antonio Aramburo, naixiu d'Erla (Cinco Villas, Provincia de Zaragoza) o 17 de chinero de 1840 y muerto en Montevideo (Uruguai) o 16 de setiembre de 1912, estió un tenor aragonés. Os musicologos afirman que a suya tecnica musical yera superior a la d'os consideraus grandes astros d'a Opera, como Julián Gayarre, Angelo Massini, Enrico Tamberlick u Francesco Tamagno, y en Espanya fació ombra dencluso a o mitico Julián Gayarre.[2][3] Estudió en Madrit con o mayestro Antonio Cordero, y fació o suyo debut en Florencia en 1872. Treballó dimpués en Buenos Aires y Montevideo, y tamién en as prencipals ciudaz con teatros liricos, como L'Habana[4] u Moscú.[1] Teneba un caracter recio; asinas, mientres una actuación suya en o Teatro d'a Scala de Milán, albandonó o escenario ta tornar a o suyo palacio, preparar-se'n un plato de migas, poner-se'n un cachirulo y cantar ixotas.[2][5] Morió en a pobreza en a ciudat de Montevideo, a capital d'Uruguai, o 16 de setiembre de 1912.[2] HomenachesApareix citau en una obra de James Joyce.[2] En 1986, Hernán Luis Vigo Suárez presentó a comunicación El tenor español Antonio Aramburo (1839-1912): un estudio comparativo de tipologías vocales en as Jornadas Argentinas de Musicología y Conferencia Anual de la Asociación Argentina de Musicología.[6] O 17 de chinero de 2003, s'erichió en a suya memoria un busto d'o tenor, obra d'o escultor aragonés Miguel Cabré, en a suya localidat natal.[2] Bibliografía
Vinclos externos
Referencias
|
||||||||||||||||||||
