|
¡Se armó el belén!
¡Se armó el belén! (títol orichinal en castellano, enguerada con iste títol en Aragón; en aragonés S'armó lo betlem!, ye una cinta de cine espanyol de cine de comedia de l'anyo 1970 dirichida por José Luis Sáenz de Heredia seguntes un guión orichinal d'él mesmo, producida por Andrés Velasco ta Hidalgo Producciones Cinematográficas, con una Banda Sonora Orichinal d'Ángel Arteaga y una dirección de fotografía de Michel Kelber, ye protagonizada por destacaus actors d'o momento, como Paco Martínez Soria, Ángel de Andrés, Manuel Alexandre, Julia Caba Alba, Carlos Garrido, Irán Eory, Marisa Porcel, Rafael Alonso, Jesús Guzmán y Carmen Martínez Sierra. RodacheLa cinta se rodó en os Estudios Ballesteros de Madrit per lo que correspon a escenas interiors, rodando-se los exteriors en a ciudat de Madrit. ArgumentoDon Mariano ye un mosén d'edat abanzada d'una parroquia en un barrio de clase obrera d'a ciudat de Madrit, a on los suyos parroquians, con ideolochía d'ezquierda, no gosan visitar guaire la parroquia. Un día recibe la visita d'un ninviau d'o bispau, qui li recrimina la poca actividat d'a suya parroquia y lo diriche enta una parroquia muit moderna y adaptada a las normas d'o Concilio Vaticano II ta aprender-ie como fer creixer l'afluyencia de parroquians en a suya propia parroquia. Don Mariano preba d'adaptar lo que ha podiu veyer mientres a suya visita, pero los resultaus o son pas guaire buenos: no li ha funcionau ixo d'enguerar un club social en a parroquia y tampoco no li ha funcionau pas l'esviellamiento d'a ilesia, en molestar-se los suyos parroquians en haber vendiu bellas estatuas de santos. Cuan parixe que don Mariano ya s'ha resignau a marchar d'a suya parroquia, piensa en una gran idea: organizar un betlem vivient en a parroquia y que la televisión lo retransmita. Seguntes piensa acertadament, t'amanixer en a televisión todo lo barrio querrá partecipar-ie. O primer trango d'ixe camín ye insinuar Sebastián Macharnudo, a un d'os suyos parroquians, anarquista y director teatral, que podría estar l'organizador de l'evento y veyer lo suyo nombre en a pantalla. Convenciu, Sebastián recruta a los actors d'o betlem, pero una part d'os habitants d'o barrio en son en contra. Elenco[1]Premios
Se veiga tamiénReferencias
Vinclos externos
|
||||||||||||||||||||||||||||||||||||||||||||||||||||||||||||||||||||||||||
