- Iste articlo ye sobre una cinta de comedia espanyola de 1968; ta atros usos, se veiga ¡Cómo está el servicio! (desambigación).
¡Cómo está el servicio! (títol orichinal en castellano, enguerada en Aragón con o suyo títol orichinal, en aragonés Cómo ye lo servicio!) ye una cinta de cine espanyol de comedia de l'anyo 1968 dirichida por Mariano Ozores seguntes un guión adaptau por Mariano Ozores y Vicente Coello, basau en ¡Cómo está el servicio!, una obra de teatro d'Alfonso Paso d'ixe mesmo 1968. Con una dirección de fotografía de Vicente Minaya y una Banda Sonora Orichinal de José Torregrosa y producida por José María Ramos ta las productoras Filmayer y Productores Exhibidores Films Sociedad Anónima, en l'elenco d'a cinta trobamos a destacaus actors d'o cine espanyol d'xas envueltas, como Gracita Morales, José Luis López Vázquez, Irene Gutiérrez Caba, Antonio Ferrandis, José Sacristán, José Alfayate, Margot Cottens, Mary Begoña, Marisol Ayuso, María Isbert, Erasmo Pascual, Xan das Bolas, Claudia Gravy, Ingrid Spaey u Mario Morales.
A cinta s'ambienta en a ciudat de Madrit en ixe mesmo anyo de 1968 y lo rodache d'a cinta s'escaició tamién en Madrit. Conta la historia de Vicenta Verruguillo Tolomé, una criacasa d'orichen rural y las suyas peripecias mientres que treballa en bellas casas madrilenyas, cosirada siempre por o suyo primo Manolo Locumula Verruguillo, un simpatico pocalacha con cuantismas novias.
Se veiga tamién
Referencias
Vinclos externos
