Prasasti Jeru-Jeru
Prasasti Jeru-Jeru (2015) Prasasti Jeru-Jeru, disebut juga Prasasti Singasari IV ,[ 1] Singosari , Kabupaten Malang .[ 2] chandrasengkala bulan Bhadrawada tanggal 11 Krsnapaksa tahun 852 Saka, atau 26 Mei 930 M.[ 1] [ 2] [ 3] [ 2]
Prasasti Jeru-jeru ini sekarang tersimpan di Museum Nasional di Jakarta, dengan No. Inventaris D. 70.[ 2]
Isi
Isi prasasti menyebutkan seorang pejabat bernama Rakryān Hujung telah memohon kepada Raja Sri Maharaja Sri Isyanawikrama Dharmmotunggadewa (Mpu Sindok) agar Desa Jeru-Jeru, yang merupakan anak Desa Linggasutan dan termasuk wilayah kekuasaannya sendiri; dapat menjadi tanah sima [ 1] [ 3]
Alihaksara
Berikut ini alihaksara prasasti tersebut:[ 2]
Sisi depan
swasti śakawarṣātīta 852 jeṣṭamāsa tithi ekādaśi kŗṣṇapakṣa tu pa bu wāra, pūrwwastha aświnīnakṣatra aświno dewatā atigaṇḍa yoga i [rikā diwa]śa rakryān hujung pu madhura manambaḥ i śrī mahārāja śrī īśānawikrama dharmmotunggadewa umalaku ikang wanua i jrujru ranakiwa ……………….. i langgapundhan watěk hujung, tapak mas su 3 paknanya dharmmakṣetra, pawahani kuśala rakryān hujung sang hyang śāla i himad mangkana sěmbaḥ rakryān hujung i śrī mahārāja tlas sinanmata matěhěr ta ya pinagěhakan inarpaṇakan rakryān hujung i sang hyang śāla an sīma sa sang hyang śāla i himad paknānya swatantra tan katamāna deni patih wahuta rāma nāyaka parttaya samgak nguniweḥ saprakāra ni mangilala dra bya haji ring dangū miśra paramiśra wuluwulu prakāra, pangurang kring padam manimpiki paranakan limus galuh pangaruhan taji watu ta …….n halu warak rakadut pinilai katanggaran tapa haji airhaji malandang [lea lbělb] kalangkakatak tangkil tŗpan saluit tuhan ….. ḥ tuha gusali mangrumbai mangguñjai, tuhanambi tuhān huñjaman watu walang pamaṇikan maṇiga sikpan rumban wilang banua wijikawaḥ tingkěs māwi tuhān juḍi juru jalir niiśra hino wli hapū wli tambang wli pañjut wli haŗng pa lamak, pakalungkung, urutan, dampulan tpung kawung sungsung pangurang, pasukalas, payungan, pulung paḍi paběsar pagulung pānginna ngin sipatwilut, pamawaśya, hopan, turunturun, panrāngan, skar tahun, panusuḥ, pahaliman, kḍi walyan, widu mangidung sambal sumbul, hulun haji, samwapi matakki jro itewammādi tan tamā ri kanang sīma kewala sang hyaug śāla pramāṇā i sa drabyahajinya kabaiḥ, samangkana ikanang sukhadukha kadyanggāning mayang tan pawuaḥ walū rumambat ing natar wipati wangkay kābunan raḥ kasawur ing dalan wākcapalā duhilatan, hastacapalā mamtwakan wuriningkikir mamuk mamumpang ludan tutan ḍaṇḍa kuḍaṇḍa bha ṇḍihaladi bhaṭāra rinālarālaḥ parānani sadrabyahajinya kunang ikā(ng) miśra mañambul mañawring manglākha mangapus mawalangan mata rub manula wungkuḍu ma…… mangubar manghapū, malurung, magaway rungki payuug wlū ………. pakajang, magaway kisī manganammanam mamubut ma nawang makalakalā …….. bhaṭāra ri śāla ataḥ pramāṇā i sadrabyahajinya, samangkana ikanang parahu pawalijan 1 masunghar 2 an patuṇḍana banyaga bantal adagang kapas wungkuḍu kapangabantal mabasana kalima bantal anguñjal 1 pandai wsi satarub paṇḍai ma s 1 paṇḍai tambaga 1 gangśa 1 angulang kbo sawurugan sapi prāṇa 3 wḍus paranggang angulang aṇḍaḥ satarub samangkana drabya sang hyang śāla tan kna i sang lwani drabya haji saprakāra, irikānang kāla mangasěakan rakryān hujung pasěk pasěk i śrī mahārāja mas su 5 wḍihan tapis cadar yu 1 muang i taṇḍa rakryān kabaiḥ kapua winaiḥ pasěk pasěk kāyānurūpa rake sirikan dyah amarendra wka dyaḥ balyaug rakryā n momahumaḥ kāliḥ maḍaṇḍěr pu padma anggěhan pu kuṇḍala tiruan ḍapunta taritip inasěan pasěk mā 1 wḍihan tapiścadar yu 1 sowang sowang halaran pu guṇottama inasěan pasěk mā 1 wḍihan ragi yu 1 mamrāti hawang wicakṣaṇa manghuri pu paṇḍamuan tilimpik pu da duka, dalinan pu karṣana winaiḥ pasëk ma 5 wdihan ragi yu 1 sowang sowang wadihati sang dinakara akudur pu balawān winaiḥ pasěk mā 1 wḍihan ragi yu 1 sowang sowang tuhān i wadihati 2 miramiraḥ sang halang palung, halaran sang lbur poḥ tuhān i makudur 2 watu walaing sang ra māngsa watu kilung sang tpusan winaih pasāk mā 5 wḍihan ragi yu 1 sowang sowang, pangurang i wadihati sang rawungu manunggū sang ba ……… i makudur sang rakwěl anunggū sang kulumpang winaiḥ pasěk ma 2 ku 2 wḍihan ragi hlai 1 sowang sowang satuhān i ma asaha n juru
Sisi belakang
yakan samgat guṇungan buntut juru wadwā rarai sa(ng) raguyu juru kalula pu bāla, kaṇḍamuhi punta geṣṭa watu waraṇa sa(ng) niti parujar i sirika n hujung galuḥ i wka wiridiḥ i kanuruhan ………… rakat i sangsang bimala baha( )an pu satyaka i maḍaṇder pu cakra iyanggěhan tiruan sumuḍan punta sanggama winaiḥ pasěk mā 1 kinabaihan nira, ………. manusuk i wadihati sang pāhan i ma dur sang ramangsa winaiḥ pasěk mas su 2 mā 8 sowang sowaug pangangkat i sang hyang kudur mas su 5 hop sa( )ni pomahumaḥ pra ḥ, dakṣiṇa sang hyang brahmā mā 1 sang hyang lambu mā 1 sang hyang susuk wḍihan yu 2 wḍihanire wadihati makudur yu 1 si lninira yu 2 pātiḥ juru kāliḥ wapah sakayu matab kuci ………nguka winaiḥ pasěk mā 5 wḍihan ragi yu 1 sowang sowang, ma rujanya pingsor hyang, paskaran winaiḥ mā 2 ku 2 sowang sowang, patiḥ kahyunan bunmaniturussang daměl ……………… pangambar la si winaiḥ mā 4 wḍihan ragi yu 1 sowang sowang, patiḥ kahyunan maharěp babak rikang kāla sang lāgi winaiḥ mā 5 wḍihan ragi yu 1 wargga patiḥ anakbi ilu kinannān pasěk sang baruṇā anakbi, sang nani ibu ni sang rapi sang kběk winaiḥ mā 2 ke n wlaḥ 1 sowang sowang, wargga patiḥ kahyunan lakilaki winaiḥ pasěk hari wangśa, baraṇa, ngura ḍangkal marapi winaiḥ mā 2 wḍihan hlai 1 sowang sowang, patiḥ pamgat sang jarā, manghambin sang balusyak, winaiḥ pasěk mā 4 wḍihan ragi yu 1 sowang sowang, gusti saśaka nuru banua sang hira panalisan pajamang, maṇiga ikěr, barsahan ……….. winaiḥ mā 2 wḍihan yu 1 sowang sowang, parujar patiḥ kahyunan bisak parujar patiḥ pamgat babus, parujar patiḥ manghambin ……….. rua n i pakaraṇān astutī malawa kālaḥ, dangga kāndha pananglar bhoma ………lagas sibar juru kala samba tajung halan naiḥ mā 1 wḍihan hlai l sowang sowang wahuta panguñjangan sardhawala kamāsihan pu kra ……….. ntan ḍanat winaiḥ han ragi yu 1 sowang sowang taṇḍa rakryān ilu pinakasākṣī rakakālaḥ kanuruhan dyaḥ mumpawang harapu kulumpang winaiḥ pasěk mās su 1 mā 4 wḍihan paḍi hlai 1 sowang sowang sang tuhan i kanuruhan sang ra ……. ṇěr sang rayu ………..watakika sapatha winaiḥ mas su 1 mā 4 ki nabaihānira wḍihan ragi hlai 1 sowang sowang, tpisiring ilu pinakasākṣī rakryān juru gotra i kanuruhan rakai pangambuhan rakai siñjalan winaiḥ mā 4 wḍihan yu 1 sowang sowang gotra i tampuran sang mādhawa wa ….. dyaḥ dumu muang dyaḥ da ……winaiḥ mā 2 wḍihan hlai 1 sowang sowang dewata kaki i balaṇḍitung śiwarawi winaiḥ pasěk mā 4 panta i pangawan unggar pramukha, winaiḥ pasěk mā 4 kinabaihanira patiḥ tpisiring winaiḥ pasěk karūwan i kanuruhan sang kumbil, manghambin sang hiraṇya patiḥ pa mgat sang prakasita patiḥ i tugaran pangajaran sang māla patiḥ pangkur i waharu sang rangga winaiḥ pasěk mā 4 wḍihan yu 1 sowang so wang, samangkana kwaiḥnira ilu pinakasākṣī hinanakan kālaning manusuk, i tlasni mangarpaṇakan pasěk i sira kabaiḥ tumama sang mawa ju haji ring kalangan ring pkěn ri himad maglar saji, sumangaskāra sang hyang susuk sangkapāsakrama dangū manětěk hayam mabantingakan ha ntiga i sang hyang watu těas susuk, mamamang hyang manapate, ling nira, īndaḥ ta kita kamung hyang i śrī baprakeśwara śrī haricandana agasti mahāŗṣi sang hyang i daśadeśa urddhamadhaḥ, rawi śaśi kṣiti jala pawana hutāsana, yajamānakāśa dharmma aho ratra sandhya dwaya, yaṣka rākṣasa piśāca pretāsura garuḍa kinnara gandharwwa, yamabaruṇa kuwaira bāsawa
Sisi samping
………świno dewa pañśākuśika na ndīśwara mahākala ṣadwināyaka nā garājā dūrggadewī caturaśra ananta surendra hyang kālamŗtyu sakweḥ ta ga ṇa bhūta kita prasiddha mangrakṣa pŗthi wī manarīra ri sarwwa śāwa umasuki sarwwa prāṇa kita sakala sākṣībhūta sthīti yana sūkṣma, at ŗngěakan iking (sa) maya sapata sumpaḥ pamangmang mami ri ki- ta hěyang kabaiḥ yāwat ikanang ngwang durā cāra tan māg( ) tan makmit umulahu laha iking sīma nguniwaiḥ dumawuta iking susuk těas kulumpang tinana m ning kudur, asing sakawuanganya hadian hulun gŗhastha wiku yāwat ya bariba iriking sīma tadwarahan panimwatan ta ri kamulya pati ringaděgan tampyal ri tngana n nwahi ri hiringan rantan ususnya ḍa ḍat sbitakan ḍalmanya ātmānya tan tmua sāma ing sahasrajanma salnir ning upadrawa taktak lintaḥ lakay wḍi t tmahananya pañcamahāpātaka tmunya i tlas ning manangaskāra kinon sang mapatib wahuta rāma tpi siring kabaiḥ ma( )tya malu …….ha yathākrama irikang tkěn pasěk lor kidul kuluan wetan rikangkala n ri himad luměkas ta makuŗu
Sisi samping
kaŗu (kapan) maglar kawung sgu paripūrṇna hara sangkab wulu kaṇḍari kaḍiwa ……ḍeng hasin ḍeng ra slar capaca pa rumahan hurang bilulung halahala ha utiga inari, wuluninggangan miśa …….tak sasar takiḥ kasyan lgi tě wangān tlu paranak alapalap i hara, kuluban tetěp lumkas la si ra kabaiḥ manaḍah ……..k pāṇādi tkaring piṇḍa prakāra wi nuwuhanta sira tamwul ṣaḍḍisa salu irning tambul saprakāra winuwuhakan tadanantara pat( )ng manaḍah kinon si ra kabaiḥ mawasahakangan winaihan sira jnu skar tlas sangkap muwaḥ sira mana ḍaḥ yathā sakamenmen rakryān ta haḍa rikang kāla kapua amintonakan waṇanya matapukan wuwup pramukha winaiḥ mā 4 kinabaihanya awa yang ki lungasuḥ grawaṇa winaiḥ mā 4 sowang abañol siliwuhan hitip pramukha winaiḥ mā 4 kina baihanya, cihnanyan tlas mapagěh kasīmān nikāng sīma katguhakna nira ka baiḥ
Lihat pula
Referensi
.jpg)