|
Vézelay
Vézelay ye una comuna francesa, en o departamento de Yonne y rechión de Borgonya-Franco Condau. A comuna tien una superficie de 21,83 km², una población de 492 habitants en 1999 y una densidat de población de 22,56 habs/km². Vézelay fa parte d'o cantón de Joux-la-Ville y o districto d'Avallon. CheografíaYe situata a una distancia de 15 km d'Avallon y a 45 km d'Auxerre, a capital d'o suyo departamento. Ye sobre un pueyo, y por ixo fue clamata en 1793 Vézelay-la-Montagne. HistoriaVézelay naixió arredol de l'abadía de Vézelay, construita en 858 por Girart de Rosellón, conte de París y de Viena, ta albergar as reliquias de Santa María Malena, en l'actual ubicación d'a comuna de Saint-Père. A redolada yera clamata Vezeliacus, pasando dimpués ta Vizeliac y ta Vézelay.  En 873, os normandos, dimpués de remontar os ríos Sena, Yonne y Cure, espulloron ista primitiva construcción, por lo que se decidió a suya reconstrucción en o cabalto d'o pueyo, a on hue se i troba. A nueva construcción se dedicó a os apostols Sant Per y Sant Pavlo. A suya posición dalto d'o pueyo fació que las chents d'a comarca bi habitasen, atraitas por a suya seguridat. O monesterio teneba una estructura peculiar: yera en realidat una republica teocratica, aparte d'a estructura politica primero d'o reino d'os francos, y dimpués d'as relacions feudals d'o reino de Francia.[1] Dende 1034, l'abat Godofré afirma que o cenobio ye o poseyedor d'os restos de Santa Maria Malena, con lo que rapidament s'inicia un important trafeco de pelegrins ta Vézelay. Iste fenomeno ye en l'orichen d'o creiximiento economico d'o monesterio y d'a villa amanata de Vézelay. Pronto facioron a suya aparición as luitas de poder, y se inició un periodo de turbulencias y sublevacions.[1] En 1050, una bula d'o Papa proclamó oficialment a Santa Maria Malena como patrona de l'abadía, posando fin a os desturbios. Sindembargo, l'abadía quedó sota o dominio d'a Orden de Clunyego. En 1096 plega d'o lugar o Papa Urbán II, ta convocar a Primera Cruzata, y acuerda a construcción d'una ilesia abacial, consagrata en 1104. Sindembargo, a presión economica en forma d'impuestos sobre os habitants d'a villa de Vézelay causó una sublevación en 1106, y l'abat Artaud fue asasinato. Demografía
Patrimonio artistico
Vinclos externosReferencias
|
||||||||||||||||||||||||||||||||||||||||||||||||||||||||||||||||||||||||||||
