Trena

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo tracta sobre as trenas de palla u ferraina. Ta la forma de peinau, se veiga Trena (peinato).
Trenas de palla en un campo de trigo segau.

Una trena (posiblement, d'o latín <*TRINA[1]) ye una acumulación intencionada de a palla u a ferraina mesa en ringle en o propio campo ta facilitar d'arreplegar-la posteriorment.

En a siega tradicional d'os cerials, que se feba con falces y/u con dallas, por cuentas de palla o que se soleba meter en a trena yeran as espigas enteras que s'heba segau, de forma que unatro individuo que veniba por dezaga las dise recullindo y ligando en falciellos, que yeran a forma mas comoda ta transportar-las dimpués. En muitas casas de l'Alto Aragón, a función de ligar os falciellos que os segadors les deixaban en a trena la feban os ninos, que no teneban edat ta manullar as ferramientas de corte.

En l'actualidat, a mayoría de maquinas segaderas contan con dispositivos que arrullan a palla de forma aliniada a'l suyo paso, tot formando a trena de forma automatica. Dimpués, se fa circular una maquina empacadera que l'arrepliega y en fa las pacas.

Se veiga tamién

Referencias

  1. ↑ (es) MOTT, Brian L. (2000). Diccionario etimológico chistabino-castellano castellano-chistabino. Institución «Fernando el Católico». Zaragoza. ISBN 84-7820-553-5

Vinclos externos