|
Tómbola (cinta)
Tómbola (títol orichinal en castellano, Tombola en aragonés ye una cinta de l'anyo 1962 de comedia musical de cine espanyol dirichida por Luis Lucia seguntes un guión orichinal d'él mesmo y interpretada por una d'as cantants infantils de mas exito en ixas envueltas, Marisol. La Banda Sonora Orichinal d'a cinta ye d'Augusto Algueró, estando la dirección de fotografía un treballo d'Antonio L. Ballesteros. Producida por Manuel J. Goyanes ta Guión Producciones Cinematográficas, atros actors destacaus d'a cinta son Beni Deus, Enrique Ávila, Guillermo Marín, Joëlle Rivero, José Marco Davó, José Orjas, Rafael Alonso y Roberto Camardiel. En a banda sonora d'a cinta se cantan as cancions de moda de Marisol en ixas envueltas, en destacando Tómbola, una d'as suyas cancions mas conoixidas y que da lo suyo nombre a la cinta. Lo rodache d'a cinta se fació en a provincia de Malaga. Estió la tercera cinta de Marisol y la zaguera d'a suya etapa infantil,[1] a on se fació servir una faixa ta comprimir y amagar los suyos peitos. ArgumentoMarisol ye una nina que vive en Madrit con su tío, directivo d'un important Banco, y la suya capacidat d'imachinación ye desbordant, estando capable d'inventar de contino y terne que terne cuantas historias, dica lo punto de que dengún no creye cosa d'as suyas historias. Bel día visita con as suyas companyeras d'escuela un museu y veye que dos hombres, disfrazaus de monches, roban un valuoso cuadro, pero cuan quiere explicar-lo, denguno no la creye pas, ni lo director d'o museu, ni lo comisario de Policía ni su tío. Marisol decide investigar por a suya cuenta y finalment tien una cita con os ladrons, que deciden secuestrar-la ta que no siga charrando d'o robo y portar-la enta una casa fuera de Madrit, sin saber que ixe secuestro marcará un fundo cambio en as suyas vidas. Cancions d'a cinta
Elenco[2]
CriticasO critico Diego da Costa en CinemaGavia.es diz que:[1] Luent d'estar una cinta simpatica d'antes mas, o paso d'o tiempo no l'ha favoreixiu (...) A manera d'encaixar os numeros musicals en a cinta se fa de forma muit natural, convertindo-se en lo millor d'a cinta (...) referent d'o cine espanyol por o gran treballo interpretativo de Marisol
Antonio Méndez en AlohaCriticon comenta:[3] ...a historia ye prou cansa con una combinación de musical infantil d'ambiente escolar y una comedia criminal moralista con caracterizacions de “buen ladrón”
Se veiga tamiénReferencias
Vinclos externos
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
