Southwest Passage (títol orichinal en anglés, en aragonés Paso enta lo sud-ueste, enguerada en Aragón con o títol en castellano de La travesía del desierto, en aragonés A travesía d'o desierto) ye una cinta de cine estausunidense de cine de western de l'anyo 1954 dirichida por Ray Nazarro seguntes un guión orichinal de Harry Essex, con una dirección de fotografía de Sam Leavitt, una banda sonora orichinal d'Arthur Lange y Emil Newman, una producción cinematografica d'Edward Small ta la suya productora cinematografica Edward Small Productions y un elenco d'actors en os suyos papels principals formau por Rod Cameron, Joanne Dru, John Ireland, John Dehner, Guinn "Big Boy" Williams, Darryl Hickman, Stuart Randall, Mark Hanna, Douglas Fowley y Morris Ankrum.
A cinta conta la historia d'un ladrón qui, con o suyo botín de 20.000 dólars en oro robau fuye con a suya novia y lo chirmano feriu d'ista zaguera fuyen, dica que trovan una caravana de camellos y Clint decide unir-se-ne, tractando-se d'una caravana formada por militars de l'exercito estausunidense con a misión d'experimentar l'adaptación d'os camellos a los desiertos estausunidenses. S'ambienta en Nuevo Mexico en calendata indeterminada y se rodó en Utah, con navajos en interpretando lo papel d'os apaches. A cinta se rodó orichinalment en tres dimensions.
Se veiga tamién
Referencias
Vinclos externos
