- Iste articlo ye sobre una cinta estausunidense de l'anyo 1992; ta atros usos, se veiga Sister Act (desambigación).
Sister Act (títol orichinal en anglés, en aragonés Acto de chirmana, enguerada en Aragón con o títol en castellano de Sister Act: Una monja de cuidado, Sister Act, una moncha d'abrigo) ye una cinta de comedia musical estausunidense de l'anyo 1992 dirichida por Emile Ardolino seguntes un guión orichinal de Paul Rudnick, con una dirección de fotografía d'Adam Greenberg, una Banda Sonora Orichinal de Marc Shaiman y una producción cinematografica de Teri Schwartz ta las productoras Touchstone Pictures y Touchwood Pacific Partners I. En l'elenco d'a cinta podemos trobar destacaus actors en os suyos papels principals, como Whoopi Goldberg, Maggie Smith, Kathy Najimy, Wendy Makkena, Mary Wickes u Harvey Keitel.
Sister Act conta la historia d'una cantaire que ye testigo d'un homicidio y que, ta la suya protección, la Policía la oculta como una falsa moncha en un convento, y s'ambienta en os anyos 1968 (ta la nineza d'a protagonista) y 1992, en as ciudaz de Reno (Nevada) y San Francisco (California). Se rodó en ixas dos mesmas ciudaz amás d'en Los Angeles, tamién en California. La cinta ha recibiu bellos premios y nominacions, en destacando dos nominacions a los Premios Globos d'Oro en a suya 50ena edición, a la Millor Cinta de Musical u Comedia y a la Millor Actriz de Musical u Comedia.
Se veiga tamién
Referencias
Vinclos externos
