Red Dawn (títol orichinal en anglés, en aragonés Amaneixer royo, enguerada en Aragón con o suyo títol traduciu enta lo castellano como Amanecer rojo) ye una cinta de cine d'acción de cine estausunidense de l'anyo 1984 dirichida por John Milius seguntes un guión adaptau por Kevin Reynolds y John Milius basau en una historia de Kevin Reynolds, con una dirección de fotografía de Ric Waite, una banda sonora orichinal de Basil Poledouris y una producción cinematografica de Buzz Feitshans, Barry Beckerman y Sidney Beckerman ta las productoras United Artists y Valkyrie Films. L'elenco d'actors principals d'a cinta ye conformau por Patrick Swayze, C. Thomas Howell, Lea Thompson, Charlie Sheen, Jennifer Grey, Darren Dalton, Ben Johnson, Harry Dean Stanton, Ron O'Neal, William Smith y Powers Boothe.
En a cinta se conta la historia de dos chirmans, Jed y Matt Eckert, que viven en Calumet, una chicota localidat de Colorado, y que bel día se troban con una invasión de paracayidistas de l'Exercito Royo, de l'exercito cubano y de l'exercito nicaragüense que atacan os Estaus Unius; os dos chirmans logran fuyir de l'ataque, obtienen armas de l'armería d'o pai d'un amigo y con un chicot grupo d'amigos escomencipian a resistencia contra la invasión. A cinta s'ambienta en Colorado en o momento actual d'a cinta (1984) y se rodó en Las Vegas, en Nuevo Mexico, y en os suyos arredols. En 2012 s'engueró un remake d'a cinta, Red Dawn, dirichida por Dan Bradley y protagonizada por Chris Hemsworth, Josh Peck, Josh Hutcherson, Adrianne Palicki, Isabel Lucas, Connor Cruise y Jeffrey Dean Morgan.
Se veiga tamién
Referencias
Vinclos externos
