Ramón Sainz de Varanda y Jiménez de la Iglesia, naixiu de Taracena (Guadalachara, Castiella-La Mancha) lo 5 de chinero de 1925 y muerto en Zaragoza (Comarca Central, Aragón) o 10 de chinero de 1986, estió un politico, avogau y profesor universitario aragonés militant d'o Partido de los Socialistas de Aragón.
Ramón Sainz de Varanda fue esleyiu alcalde de Zaragoza en as eleccions de 1979 (as primeras eleccions dimpués d'a restauración d'a democracia), cargo que exerció dende alavez dica la suya muerte. Antiparte, en as eleccions a Corz Chenerals de 1977, as primeras eleccions d'a democracia, fue esleyiu senador en o Senau d'Espanya por a circumscripción electoral de Zaragoza en as listas d'a Candidatura Aragonesa de Unidad Democrática, formada por as fuerzas d'a ezquierda politica y d'o nacionalismo aragonés, estando lo senador mas votau d'a provincia. En a suya vida politica, tamién estió president d'a Federación Espanyola de Municipios y Provincias (1983-1985) y consellero d'Obras Publicas y Urbanismo en o Primer Gubierno Bolea presidiu por Juan Antonio Bolea Foradada mientres a etapa preautonomica.
Tamién destacó, antis de partecipar activament en politica, como avogau (fundó lo suyo propio despacho en 1965), estando considerau como un experto en Dreito foral d'Aragón y en Dreito Constitucional, estando amás decano d'o Colechio d'Avogaus de Zaragoza y miembro d'o Consejo General de la Abogacía Española. Estió tamién fundador d'o Real Instituto de Estudios Europeos de Zaragoza y profesor en a Universidat de Zaragoza.
.svg){kind=small}
.svg){kind=small}
