|
Río Alcherez
 Lo río Alcherez (riu Bergantes en catalán, río Bergantes en castellano) ye un afluent de lo río Guadalop que naixe en los Puertos a 12,5 km a lo sud-sud-este de Moriella. Con uns 60 km lo suyo curso no ye guaire largo, la suya cuenca ye redueita, pero tien prou cabal en hibierno, por la mayor pluviosidat en las arias de cabecera, con laderas orientatas enta lo norte, en pacos con menor evaporación. L'Alcherez s'une a lo río de Cantaviella y lo río Caldes formando un trident cheografico que da nombre a lo lugar que en ye mes cerca (Lo Forcallo). Atras localidaz por a on pasa l'Alcherez son Moriella (1 km a lo norte de lo río), Palanques, Zurita, Auguaviva y Lo Mas de las Matas, a on que se reculle en lo Guadalop. Las auguas de l'Alcherez y Guadalop conchuntament s'entiban en lo entibo de Calanda.  ToponimiaAntes de lo sieglo XVIII s'escribiba siempre río Alcherez los textos de la zona de Lo Mas de las Matas. FaunaEncara que lo suyo curso ye irregular bi ha presencia d'especies no guaire comuns en la zona como loiras y cangrillos. Ye de destacar a presencia de Pleurodeles waltl, l'urodelo mes gran d'Europa y sin nombre en aragonés (en catalán ye ofegabous u gandària, en castellano gallipato).
|
||||||||||||||||||||||||||||||||||||||||||||
.svg){kind=small}
