|
President d'o Congreso d'os Deputaus
 O president d'o Congreso d'os Deputaus ye a masima autoridat d'as Corz Chenerals, l'organo bicameral que exerze o poder lechislativo en Espanya. Preside as sesions d'o Congreso d'os Deputaus, a cambra baxa d'as Corz y o suyo titular ye eslechiu d'entre os miembros d'ista. Dezaga d'o rei y o president d'o Gubierno, ye a tercera autoridat en o Reino d'Espanya seguntes a Constitución espanyola. Si bien a representación d'as Corz Chenerals la comparte con o president d'o Senau, as funcions constitucionals que le son atorgadas por lo que fa a refrendos reals y a lo proceso d'esleción d'o chefe de l'Executivo, fan que de facto siga o lider d'o poder lechislativo. Ista fegura se veye igualment reforzada en poseyer Espanya un bicameralismo asimetrico que atorga mayor protagonismo a la cambra baxa[1]. Dende o 17 d'agosto de 2023, a presidenta d'o Congreso d'os Deputaus ye Francina Armengol Socías, deputada d'o Partido Socialista Obrero Español (PSOE) por a circumscripción de Balears. Presidents d'o CongresoDende a promulgación d'a Constitución espanyola en 1978 i hai habiu doze presidents d'o Congreso d'os Deputaus diferents: dos centristas, seis socialistas y cuatro populars. O president que mas tiempo ha estau en o cargo ha estau Félix Pons (9 anyos y 8 meses) y o que menos Patxi López (6 meses).  Referencias
Veyer tamién
|
