Pinars de pin borde en carasols de zonas submediterranias

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os pinars de pin borde en carasols de zonas submediterranias son formacions d'esta especie presents en o Prepireneu, (mui especialment en a redolada de L'Ainsa) y Sistema Iberico, (plegando a la cuenca alta d'o Tacho y Sierra d'Altomira). O pin borde ye una especie termofila que penetra en estas zonas a traviés de vals entallatas y fuesas tectonicas mes protechitas d'o clima continentalizato y mes frido propio d'ixas zonas. Este clima mes frido permite que o pin borde s'asocie con bellas especies de Quercus marcescents como Quercus faginea. Estos pinars creixen sobre suelos calsinosos de solana con substrato de calsinera u dolomía, y a sobén con intercalacions de salagón. No representan formacions submediterranias, representan formacions termofilas mediterranias que penentran en o dominio submediterranio.

O feito que sigan en solanas y a sequedat edafica que dan as calsineras y o suelo calsinoso fan que i haiga un matical mes termofilo que a redolada, con romero, sabina mora, o chinebro Juniperus oxycedrus, a cornicabra, a senera, o coscollo y l'alatierno. En o estrato arborio puet haber-ie ha presencia de diferents especies a parte d'o pin borde: pin nasarro, pin rodeno, caixicos marcescents y carrasca.

O pinar de La Encomienda de Castilla en Madrit perteneixe a este tipo de pinars, que tienen a Cuenca d'o Tacho en Madrit o cabo ueste de distribución.

En a Sierra d'Altomira y l'Alto Tacho estos pinars pueden plegar dica cotas topograficas de 900–1000 m. En l'Alto Tacho estos pinars s'han estendillato en muitas zonas potencials d'o carrascal y d'o caixicar, degradatas por a erosión, as talas y os incendios, o mesmo que en o Prepireneu, estando estos pinars una part important d'o paisache vechetal d'o fondón d'a Cinca en a redolada de l'entibo de Lo Grau.