Pedro Pablo de Alcántara de Silva Fernández de Íxar estió o IX duque d'Íxar. Ye naixito lo 25 de noviembre de 1741 de Villarrubia de los Ojos del Guadiana y morió lo 23 de febrero de 1808 en Madrit. Yera fillo de lo VIII duque Joaquín Diego de Silva Fernández de Híjar y Portocarrero y de Maria Engracia Abarca de Bolea y Pons de Mendoza.
Heredó tamién a la Casa d'Aranda por muerte sin succesor de lo chermano de su madre, lo celebre X conte d'Aranda Pedro Pablo Abarca de Bolea en 1798. Por un auto de la Reyal Audiencia de Zaragoza lo 3 de febrero de 1798 la Casa d'Aranda s'integra en la Casa d'Íxar, (u millor dito de Silva).
Fació arrendar los estaus d'Íxar y Belchit a una companyía catalana pa prebar de millorar la situación economica de lo ducau.
Se casó con Rafaela de Palafox, con qui tenió ueito fillos.
Estió un mecenas y amant d'as artes. Acomandó a l'arquitecto Agustín Sanz la construcción de muitas obras, tanto monumentals como casas de labradors, (en Lo Ciparuelo). Entre las obras monumentals acomandatas a Agustín Sanz tenemos a supervisión y terminación de la Ilesia Parroquial de La Puebla d'Íxar y la construcción de la Ilesia de Binaceit y de la Ilesia de Urreya de Gayén.
