Pál Lukács, d'o suyo nombre artistico Paul Lukas, estió un actor estausunidense d'orichen hongaro, naixito o 26 de mayo de 1895 en Budapest (Imperio Austrohongaro, hue Hongría) y muerto o 15 d'agosto de 1971 en Táncher (Marruecos). Activo en o cine alemán dende meyatos d'os anyos 1910 y en o cine estausunidense dende meytos d'os anyos 1920, recibió cuantos premios por a suya obra cinematografica.
D'entre a suya filmografía, se puet mencionar as suyas interpretacions en bellas cintas como City Streets (1931, Rouben Mamoulian), Little Women (1933, George Cukor), The Three Musketeers (1935, Rowland V. Lee), The Lady Vanishes (1938, Alfred Hitchcock), Captain Fury (1939, Hal Roach), The Monster and the Girl (1941, Stuart Heisler), Watch on the Rhine (1943, Herman Shumlin), Experiment Perilous (1944, Jacques Tourneur), Berlin Express (1948, Jacques Tourneur), u 55 Days at Peking (1963, Nicholas Ray).
Premios
En a suya carrera cinematografica, recibió un Oscar a o Millor Actor en 1943 por o suyo papel en a cinta Watch on the Rhine, de Herman Shumlin; por ista misma cinta recibió amás un Globo d'Oro a o Millor Actor Dramatico y un Premio NYFCC a o Millor Actor.
Vinclos externos
