|
Mar Ligur
A mar Ligur (mare ligure en italiano, mer ligurienne en francés) ye una mar que fa parte d'a mar Mediterrania y que se troba situata a o norte d'a isla de Corcega, estendillando-se por parte d'a costa sudoriental francesa, alto u baixo dende l'altaria de Mónegue, y plegando dica la peninsula italica, banyando as costas d'a Liguria y de parte d'a Toscana. En a suya parte norte se trova o golfo de Chenova y a o sudueste se comunica con a mar Tirrena por meyo d'un estreito dito canal de Piombino, a on se troba a isla d'Elba. Antiparte, se comunica con a mar Mediterrania con una muga ampla a o sudueste, fixata artificialment y sin de garra determinació cheografica clara. En tener un clima mediterranio muit favorable, as suyas costas son un puesto de muita importancia turistica, contando amás con ciudaz importants, como Chenova, La Spezia, Savona, Niza u Livorno.
|
|||||||||||||||||||||||||||||||||||||||
